كشف تفاصيل مفاوضات الهلال للعتيبي ... الإدارة رفعت العرض ل50%.. شرفي زاد النسبة.. وزملاؤه يحاولون إقناعه

أسدل الستار البارحة على مسلسل مفاوضات إدارة الهلال مع حارس الفريق حسن العتيبي بوضعه على قائمة الانتقال بقرار الإدارة الهلالية، بعد أن أخذت القضية حيزاً كبيراً من الصدى الإعلامي في الأيام الفائتة بعد ظهور اللاعب فضائياً في المرة الأولى وأفصح عن عدم موافقته على العروض الزرقاء وألمح عن استيائه من طريقة المفاوضات قابلها في اليوم التالي تصريح حمل طابع التوضيح من مدير إدارة الكرة سامي الجابر الذي وضع النقاط على الحروف من خلاله، إلا أن العتيبي وجد في ذلك الحديث عدة مغالطات أجبرته على الظهور مجدداً عبر وسائل الإعلام لتفنيد بعض المغالطات التي يراها وتصحيحها مما زاد القضية سخونة ولاسيما أنها لغة جديدة طرأت على السطح الأزرق مؤخراً في قضية تجديد حارس الفريق في مسابقة كأس ولي العهد.
وكشفت (الجزيرة) عبر مصادرها الخاصة تفاصيل كامل مفاوضات اللاعب التي بدأت قبل دخول اللاعب في فترة الستة أشهر وحينها سلّمت إدارة الاحتراف عرض الإدارة الرسمي للاعب مما حدا باللاعب لرفضه كونه لم يستلم مستحقاته المتأخرة من عقده السابق مما أجبر الإدارة على المسارعة بتسليمه 400 ألف ريال المتبقية له من (عقده الأخير) لتتمكن من تقديم عرضها قبل دخول الفترة المحظورة كي تتماشى خطواتها مع لوائح الاحتراف، وبعد تسليم اللاعب لمستحقاته قدمت الإدارة عن طريق مسؤول الاحتراف الدكتور عبدالله البرقان عرضها الأول بمبلغ 600 ألف ريال لمدة موسم تسلم على 3 دفعات مع راتب 15000 ريال وقابله اللاعب على الفور بالرفض وكان ذلك قبل انطلاق مسابقة كأس ولي العهد بيومين.
وتواصلت المفاوضات الزرقاء بعد انقضاء مسابقة الكأس التي توج الهلال بطلاً لها بتقديم عرض وصل إلى مبلغ 800 ألف ريال بيد أن اللاعب واصل رفضه وأصر على رغبته بطلب مبلغ يتجاوز المليون ريال.
ومن ثم بدأ الحديث الإعلامي يستحوذ على القضية مما حدا بالإدارة الهلالية إلى محاولة انهاء الموضوع واقفال باب التأويلات من خلال إسناد مهمة المفاوضات للشرفي البارز الأمير عبدالله بن مساعد الذي اجتمع مع اللاعب سريعاً بمقر النادي وأبلغه بأن الإدارة قررت منحه 900 ألف ريال للسنة الواحدة بمعدل زيادة 50% من عقده السابق وفي خضم المفاوضات قرر الأمير عبدالله بن مساعد زيادة العرض إلى 960 ألف ريال بزيادة بلغت 60% ولكن الرفض كانت الإجابة الوحيدة من اللاعب فخرجت الإدارة الزرقاء ممثلة بنائب الرئيس الأمير نواف بن سعد فضائياً وأعلنت وضع اللاعب على قائمة الانتقال في قرار نهائي مشددة على أنه الحديث الأخير للإدارة عن هذا الملف.
بعض زملاء اللاعب في الفريق الهلالي حاولوا إقناعه بالاستمرار بابداء مرونة أكبر في عملية المفاوضات بيد أن إصرار اللاعب حتى اللحظة كان نهائياً برفض المبالغ التي قدمت له ما لم يطرأ أي مستجدات تعيد المياه لمجاريها من خلال موافقته على العروض المقدمة سلفاً في قادم الأيام.
يالعتيبي انت حارس مبدع ولكن لن تجد نادي يقدر لاعبيه ويحترمهم مثل الهلال
اتمنى ان تأخذ المبلغ وان ترى غيرك ممن خرج من الهلال واضاع نفسه ، ففريق مثل الهلال لايغيب عن البطولات والمكافأت التي حتماً ستجد انها افضل من المبلغ الذي تطالب به وهو فرق بسيط لايذكر قد تحصل عليه مع اول بطوله او فوز .
يستاهل اكثر ابو عتب لانه قدم مستوى في البطولة كبير
العتيبي متألق ... والهلال يعطي السويدي فوق 50 مليون والبرزيلي 30 مليون
والعتيبي 900 الف على ثلاث دفعات بعد !!
ياعتيبي لن تجد مثل الهلال
ستذكر كلامي
بطولات حب جماهير و و و و الخ
الم تسمع قوله سبحانه وتعالى ولئن شكرتم لأزيدنكم
ياشيخ من يحصل الهلال ويتركه
أن لست هلاليا
ولست رياضياً ولكن ستذكر كلامي
أسأل الله لك التوفيق في الدنيا والآخرة
من زينه خلوه يذلف يلحق الدوخي الزعيم مايبلش باذن الله بوجود الدعيع والشمري
اتمنى من التعيبي عدم الانجراف وراء القنوات الفضائيه التي همها الوحيد تدمير الكره السعوديه والهلال بصفه خاصه والذي لم يجدو مجال الا من خلال العتيبي ولكني اتمنى من العتيبي وهو رجل عاقل ان يتصرف بحكمه وان لايدع مجال للحاقدين بالشوشره ،،،،،،،،،،،،،،،،،،
الله لايبلانا يدفعون بولي همسون 47 مليون ومستكثرين ميلون ونص للاعب سعودي؟؟؟
أتمنى الا تنشغل الأداره بعقد حسن العتيبي المباراة يوم الأربعاء وحسن جدد أو لم
يجدد فالهلال كبير بنجومه ولا يعتمد على لاعب أوحارس واحد فأنت من يخسر الهلال
وليس الهلال من سيخسر ك ( من عافنا عفناه لو كان غالي )
متكاثرين عليه 5مليون والنجس المسيحي 55مليون وتحبون على يده والله العتيبي يسوا ااكثر
الأخ . زائر
اشكرك على الرد الذي يفوق الموضوع بكثير . لا من حيث الموضوعية ولامن حيث رجاحة العقل والنظر للمستقبل فعلاً أشكرك من قلبي .
ياعتيبي لاتنسى ان الهلال قدم لك اكثر من 300 الف ريال مكافئات فوز الدوري وكأس ولي العهد
وانت جالس تدور على طفس
وين بتروح يعني اذا طلعت من الهلال؟ من بيعطيك اكثر؟ ياخي من بيعطيك مكافئات فوز مثل الهلال؟ من ستجد بطولات لاتغيب عن ناديه؟
فكر بالموضوع يا حسونه قبل ان تنهي نفسك ولك في غيرك عبره
هذي غلطة الادارة ليش تعطية فرصة لحراسة مرمى الهلال بعدها شاف نفسة على نادية غلطت الشاطر بعشرة
أذهب غير مأسوف عليك
العامري بالطريق أفضل منك وشباب
خله يتوكل على الله
الهلال لايتوقف على لاعب او لاعبين
يحمد ربه بيلعوبنه اساسي
ولا المفروض احتياط لاب دعيع
اقترح على اللاعب الكبير حسن العتيبي
الموافقة على العرض المقدم فصدقني لن تجد فريق ممتماسك ومترابط وبطولات مثل هذا الفريق العملاق الزعيم الازرق السلس الممتع في لعبة
انظر حفظك الباري وانت من امتعتنا في مبارياتك السابقة
إلى بقية زملائك الذين خرجو من النادي لمغريات اغرتهم مبدئيا وانهتهم كرويا
مثال(الدوخي)
اين كان وكيف صار ولك الخر
اتمنا ان اكون عبرت عن رايي بشكل مبسط
اعتقد انه مايستاهل الشمري وشراحيلي افضل منه لو اعطو فرصه كامله
بعض زملاء اللاعب في الفريق الهلالي حاولوا إقناعه بالاستمرار بابداء مرونة أكبر
والله ما ودي العتيبي في داهية الا زملاء العتيبي احمد ربك 900 الف وراتب 15000 من يلقاها ولاكن علي قولتهم ( كب غبوقه ) علعموم لو كنت مكانك لقبلت حتي ب 600 الف لاني سأكون مع فريق كل يتمناه كل شوي بطوله اعد النظر ولا يغرونك زملاءك تراهم يبون ينكبونك اليوم قليل تجد الصديق الوفي الصادق تحياتي لك وتمنياتي لك بالتوفيق
ياحليلك يالشاطر حسن كل مره تهايط عند تجديد العقد .. او تبي تحط راسك براس الدعيع ... رحت للقادسيه العام الماضي وصرت شوارع احمد ربك الهلال يفاوضك انا ودي تجرب نادي الفقر علشان تعرف الفرق .. وكل السنين وللحين منت مستفيد من الدروس الماضي ومطرسك عند التجديد ... رح وقع قبل لايجي عاصوف ويخليك حارس امن ..........
لو انا مكان رئيس النصر لستقطبت العتيبي
النصر بحاجه لحارس متمكن
صحيح أنه لن يجد نادي مثل الزعيم بس خلوه يجرب نادي اخر وراح يتحسف أنه ترك الزعيم ويمكن ما يعطوه مثل القيمه المقدمه من ادرة الزعيم ..
العتيبي
تبي الحق
والله تستهل اكثر من 3 مليون
ملك الي كحيلان
انا اشوف ان من حق اللاعب ان يضمن مستقبله وخصوصا نظير مايقدمه من مستويات متميزه
والا عنز الشعيب ماتبي الا التيس الغريب
بالتوفيق للزعيم
بالتوفيق للشاطر حسن
الله يسهل امرك يا عتيبي وخلنا نشوف نهاية الطمع والجشع وين يوديك فأنا لا الومك بس المبلغ الذي تم عرضه يعتبر ممتاز وبدون تعب ولا شي فانت طول الموسم ستكون على دكة الاحتياط ام أنك ستجد ما هو افضل في الانديه الاخرى ؟!!
يحلمون يحلمون مين اللي يحلمون
والله الشيبان يتشرطون احمد ربك ان الهلال معطيك وجه اصلا مباراتين لعبتهم زين صرت تتشرط قم بس قم الله لا يردك
قد يكون اللاعب يفكر في شي ويهمه اكثر من مقدم عقد.
قد يكون يفكر بالعب اساسيا خصوصا انه قرب يعتزل ولم يلعب كثيرا كما ابوعدبدالعزيز. وبالتوفيق واهم شي لايجي للنصر .
هذي مكينة زنجر
الرجال موقع وخالص قدام عيني بس للحين ما عرفت ليه ادارة الهلال سوت الحركة
وش ذا الكلام يانااااس حرام عليك حسن قدم بولي العهد
كفايه صابر ع الهلال طول عمره الرياضي ع دكه الاحتياط
ومستكثرين عليه الزياه واي مكافات الكل ياخذ مكافات وعقودهم بالملايين
ياحسن ياعتيبي
اذا انت ابدعت في الهلال وتشوف نفسك مبدع .. ماراح تقدر تواصل الابداع في نادي غير الهلال .... نقطه مهمه
بس خلاص راحت عليك حطوك على حبل الغسيل .. (قائمة الانتقال) نشوف الهوا وين يوديك
العتيبي اكثر احترافيه من الادراه .. الهلاليه ..
الادراه الهلاليه .. اصبحت كما انها تفاوض . لاعب . صغير سن .. هذه المزايدات ذهبَ. زمنها .. خصوصاً . مع لاعب .. داخل .. الاطار والكيان الهلالي ..
...:
اولاً . : محمد الدعيع في تصريح له ..{ اعتزالي في نهاية الموسم المقبل او اللذي يليه } .. يعني بالكثير سنتين ..والعتيبي هو الحامي .. القديم .. والجديد .. بعد الدعيع ..
ثانياً .: العتيبي .. اصر وكان مصر ولا زال .. مصر على .. انه لا يقبل باقل من مليون ريال .. ف لماذا .. لا يدفع له هذا المبلغ .. بينما دفع ل نامي في صفقت انتقاله مليوني ريال وشتان بين الاعبين ..
اخيراً : لماذا هذه المزايدات .. على ابن النادي ؟؟؟؟؟
لماذا .. لايكون من اول .. مره .. عقد بالقيمه الفلانيه .. تكون مرضيه للاعب ..
سامي الجابر. وتدخلاته .. الاعلاميه على الاعبين .. تزيد .. من سخونة صفيح ..الفرقات بين الاعبين .. والادأره .. لانه ممثل الاداره عند الاعبين ..
ابتعدت الاحترافيه .. عن الاداره الهلاليه لإول مره هذا .. الموسم .. واصبحت .. نقطه سوداء في فن التعامل الاحترافي .. داخل .. الاداره ..الهلاليه ..
............................................{ومضه} :.
راسي يبيلك برج إيفل تطووله
.....................................................................لاصرت فوق البرج دق علي
الله يهاديه من المفترض انه يعمل لصالحه خصوصا وانه كبير في السن ، والنادي ماعنده اذا شاف انه يستغني عنه ممكن انه يندم على هالقرار ، لكن مانقول الا انه
هوادرى بمصلحة نفسه والقرار يخصه شخصياً .... وجه نظر خاصة فقط .
ياعتيبي خلك مع الزعيق لأنك حاجز سهل اختراقه بسهوله , وكباري كمان
الهلال اعلاميا يملك الملايين اين العويران الدوخي الغشيان
سبحان الله الأرزاق بيد الله أصحاب الوظائف العليا يكاد يجمع 100 ألف في السنة ومعه شهادة عليا وآخرون لم يتم مراحل التعليم العام يستلم 15 ألف راتب وعقد مليون ريال يا سلام عطوني مليون وأفصل من الوظيفة غداً ولن أحب على رؤسكم ...
وعن ماله من أين اكتسبه وفيم أنفقه
الحين هو يقول إنهم ما عطوني حقوقي 400000 ريال
وأنت تقول من أول بطولة راح تجيك المكافأت
خل عنك خل الرجال ياخذ حقه أولا وثم تجيه المكافآت
ولو الهلال يقدر اللاعبين كان عطاه مثل ما عطى الي من خارج الوطن مثل وليهامسوون
لك الشكر يا حسن على كل السنين اللي خدمت فيها الهلال
مع أن كل الإدارات السابقة لم تقدرك بحكم أنك ولد النادي
تتذكر أول ظهور لك كيف كان ..؟ بذيك الفترة حطموك وجابوا الدعيع من الطائي
والله قهر كنت مشروووع حارس كبير .. والكل كان متوقع لك مستقبل بس حطموووك
بس خلووك احتياط للدعيع ... تفكير سقيم
لا يجيني أحد ويقول الدعيع أفضل .. إلخ
أقولهم شوفوا كاسياس كم كان عمره وأساسي والحارس الاحتياطي يفوقه خبره
على مااعتقد هو حارس فالنسيا الآن وشوفوا كاسياس والثقة اللي كان جدير بها
وألحين هو أفضل حراس العالم
اسأل الله التوفيق لك يا حسن سواء بالهلال أو غيره لأنك عاصرت فريق لن ينسى
منذ بدايتك
استغفر الله .. استغفر الله
الرجال ماطلب شي صعب..طلب لمدة سنه راتب جريتس لشهر واحد..
عجبي يادنيا..
السالفه ذي تذكرني بالمليونيرات اللي بهالديره اللي اذا جا واحد يطلب منهم مساعده لو 10 ريال قالوله اطلب ربك ماعندنا شي
أبو عتب ؛؛؛
الفلوس حلوه أخااااف تروح لغير الهلال وتتوهق بربع المبلغ !!
ترى العالم مطفرررررررررررررة
الاجانب والمدافعين ومحمدالدعيع عقودهم بالملايين وانتم رافضين تعطونه قليل من حقه 900 يش تسوي بالوقت ذا استخر الله واتركهم يبو عتب والرازق فالسماء
حسن العتيبي لاعب مميز ويستاهل ، نتمنى تقديم تنازلات من الطرفين اتمنى تدخل الأمير بند بن محمد فهو اقرب شرفي ل اللاعبين واعتبره محايد مابين الأدارة الحالية واللاعبين نتمنى إنهاء هذه الأزمة فورا أو ايجاد البديل الجاهز الفريق عنده مشاركات اسيوية وماهو محتاج شوشرة ، اذا راح العتيبي أنصح الأدراة الهلالية مفاوضة حارس نادي نجران فهو حارس مميز مع أمنياتي ان العتيبي يقى في بيته الهلال يعلم الله العام الماضي يوم شفته مع القادسية والله أثر فيني فهو من الجنود المجهولة المخلصة اللاعب عمره 32 سنة من حقة يشوف مستقبله ( هذا عصر الأحتراف ، لا تضيعون العتيبي مثل الدوخي ، ويالعتيبي لا تضيع الهلال تضيع شف غيرك والنماذج كثيرة ) .
الهلال اسف قصدي القرون مالة ختمة يا العتيبي وربي ميستهلونك بني زعيق ذولي يبون اقرون بس خلك مع العالمي جمهور ورئيس شاب روعة كحيلان وترك دجاج بني زعقون كن تاكي
لبي جمهور العالمي في كل مكان
أقول ياعتيبي أنت لاعخب مبع بس تراء مو لقي نادي مثل الهلال كل الفرق وده تكون
مثل الهلال وانت تبي تترك الهلال بس ترا الهلال وقف معك وماقصرو بس انت لا تصيرر
عاد طماع خلك قنوع ولا تنسا ان الهلال منافس قوي بلحصول على كاس
اسيا وذا اخذتو الكاس بيجيكم مكافئات البطولة وتبي تروح للعالمية انشالله
لا تفكر نوادي الثانية صدقني تبي تضيع معهم
الهلال ماعلية خوووف
ياعتيبي لاتحسب إذا رحت يبي يضيع الهلال الهلال مايقف على لاعب معين
هو منجب للمواهب لا خوف على الهلال بوجود الاسد محمد الدعيع
شكلة مواعده اخبلان بمليين يبي يلعب علية واخر شي يجدعونة
والله تستاهل خمسين مليون يابو عتب
لكن اللي ما يعرفك ما يثمنك
في موضوع حسن العتيبي , أثبت سامي الجابر بأنه لايصلح لمنصبه ..
فبعد مشكلته العام الماضي مع طارق التايب وقبلها مشكلته مع محمد الدعيع
هاهو الآن يضع العراقيل أمام حسن العتيبي ..
ياسامي .. أنت تدير فريق محترف وليس فريق تبرعات
ف ليش تصرح ضد لاعبيك ؟!
البطي قبلك ماسواها ..
ليتك تروح للجزيرة الرياضية تحلل ويرجع البطي لإدارة الفريق .
أنانصراوى نعم ولايحق لى الكلام عن البيت الهلالى
ولكن وجهت نظر فقط
ياحسن انت مبدع ولكن هذا نصيب ابن البلد
اقبل عرض ناديك فاالهلال كلمة حق هو طريق الشهره وهو المدرسه الكرويه
الحقيقيه فى مملكتنا الحبيبه
من حقك ياعتيبي انك ماتوقع العقد ومن حقك ان توقع العقد هذا شي يرجع لك
انا اشوف اداره الهلال ان تقيل سامي الجابر لانه شايف نفسه وكانه هو مالك الهلال
يااخي اذرف والله مالك مقعد في الهلال ولو كنت انا مسئول عن نادي الهلال والله ماتجلس في النادي دقيقه ياخي اتق الله كل يوم طالع لنا مشكله مع العتيبي مع التايب مع نجيب الامام المحلل في القناه الرياضيه سابقا مع اعلاميين
يااداره الهلال سلمو الرئاسه لسامي فهو صاحب الشان وعنده القرارات مابقي الا كرسي الرئاسه اعطوه تراه ناوي لها وبتشوف الرئيس مرسومه على الطريقه الجابريه
من حقنا ان نطالب نحن الجماهير بتغير اداره الفريق مانترك الحبل على الغارب ونقول
كل شي يمشى على حال
ياعمري على الثنيان ابو يعقوب رقم 15 لن يتكرر مثله في الملاعب السعوديه فعلا انه نمر
ماهو زي الرخمه سامي ماهمه الا مصلحه نفسه وشايف نفسه اداري محنك
الخيبه ماهو عليك الخيبه على الاداره التي اعطتك منصب ماكنت تحلم به
والله شفت ياحسن انت تستاااااهل لانك متاااااالق بس انت دائم تساوووووم الهلال ولايمكن ان ننسى لك عندما ذكررررت كويس على الهلال ان يخسر على شان شماتة جماهير الهلال على المفرررررج
والان تعود وتهاترررر سامي وترد عليه اعلاميا ارجو ان يعرضووووه على الانتقال وان لم ياتيه عرررض كالعادة ينسق من الكشوووووفات الهلاليه والله يوفقك انت ماقدرت حب جماهير الهلال
ياحسن افهم جماهير الهلال....... ياحسن افهم نادي الهلال......ربك يحبك ياحسن وانثبرررر مع الهلال لو يقولون لك عشرررة ريال اقعد وخل عنك الهياط ( ) ( )
عاد اللي يشوفك يا حسن يقول فرفور
حسن العتيبي، من مواليد 6 أغسطس 1976
http://ar.wikipedia.org/wiki/ط*ط3ظ†_ط§ظ„ط1طھظٹط ̈ظٹ
يعني عمره 33 سنة ونصف وعند نهاية عقده بيكون عمره 34 سنة ميلادية يعني 35 سنة هجرية
اقول خلوه يضف وجهه ... ورجعوا فهد الشمري
الله أكبر يالهلاليين ،،
تنفقون الملايين يمين ويسار وتستكثرونها على حسن الي أفنى صباه وشبابه في الزعيم وعلى كرسي الإحتياط ،، مع انه مؤهل أكثر من الدعيع لحماية مرمى الهلال ،،
بل بالعكس الدعيع نكباته كثيرة والكل يعرفها !! هل نسيتوا الكبري حق أسامة المولد في النهائي قبل 3 سنوات !! والله لو ان الحارس حسن العتيبي لطردوه من الملعب مباشرة ولمنعوه من دخول النادي نهائياً ، نسيتوا هدف ابوشروان الي سجل في نفس الخانة الي واقف فيها الدعيع !! نسيتوا أربعة الشباب العام الماضي في كأس الملك !! نسيتوا الثلاثة الشبابية أيضاً في نهائي كأس الدوري قبل أربع سنوات أيام تفاريس !! من كان الحارس حسن أم الدعيع !! نسيتوا هدف الشايب حسين عبدالغني !!
أخطاء الدعيع كثيرة بل وكثيرة جداً لكن يغض الطرف عنها لأنه ليس العتيبي !!
خلونا واقعيين ، نواف التمياط كم قبض من الملايين قبل أن يعتزل ؟!! نواف أخذ 3 ملايين من عبدالله بن مساعد عندما كان رئيساً للهلال بالإضافة الى علاجة لأكثر من سنة ومع ذلك مشاركاته محدودة وفاعليته مفقودة تماماً !!
ونكمل المسلسل والكل يتذكر نواف عندما قرب عقده على الإنتهاء !! كان يحط رجل على رجل وزملاءه يتمرنون وهو بذلك يقصد ياتجددون عقدي أو أبروح للإتحاد !! وتخلف عن مرافقة الفريق لحائل كنوع من الضغط على الإدارة الهلالية ونوع من المساومة خلال فترة رئاسة محمد بن فيصل ، ووش كانت المحصلة ؟!! جدد له الهلال بأكثر من 10 ملايين ريال والمقابل لعب مباريات محدودة وبمستوى سيء جداً حتى أعلن الإعتزال !!
هل حسن فعل مثل نواف ؟!!
الحالة الثانية لسامي الجابر ،
سامي الجابر في آخر مشاركاته مع الهلال كان إحتياطياً ، بل كان عبئاً على الفريق إذا شارك !! ومع ذلك كرموه بتجديد عقده بأكثر من 3 ملايين ريال وهو لم يشارك سوى مباراة واحدة او إثنتان فقط !!
هذا غير الهدايا والسيارات والشرهات والسفريات والسياحة الدائمة المجانية التي يحصل عليها منذ قدومه الى الهلال وحتى الآن !! ومع ذلك لم نسمع احد قال انه لاعب منتهي لماذا لايعرض على قائمة الإنتقال !!
الحالة الثالثة ،، خالد عزيز
جدد له بأكثر من 5 ملايين ريال وما النتيجة !! رفسة في بطن نايف هزازي ( وقيل انها متعمدة ومدفوعة الثمن مسبقاً ) كانت نتيجتها كرت احمر وإهداء البطولة للأتحاد !!
خلاصة القول يا إدارة الهلال ،، اتقوا الله اتقوا الله اتقوا الله ،،
هل لأن حسن ماينافق الإدارة ولا يحتك مع الرئيس ويسافر معه وينكت معه يكون هذا مصيره ،،،
ووالله انكم ستعضون اصابع الندم إذا فرطتم في حسن ، فهو حارس ممتاز وامامه على الأقل 4 سنوات او اكثر سيقدم فيها الكثير للهلال ، وبالمناسبة حسن اصغر من الدعيع بما لايقل عن 8 سنوات ، يعني توه صغير كحارس مرمى ،،
وترى حوبة المظلوم قوية !!
الحقيقة منقولة ،،
أقول ياعتيبي أنت لاعب مبدع بس تراء مو محصل نادي مثل الهلال كل الفرق وده تكون مثل الهلال
وانت تبي تترك الهلال بس ترا الهلال وقف معك وماقصرو بس انت لا تصيرر
عاد طماع خلك قنوع ولا تنسا ان الهلال منافس قوي بلحصول على كاس
اسيا وذا اخذتو الكاس بيجيكم مكافئات البطولة وتبي تروح للعالمية انشالله
لا تفكر نوادي الثانية صدقني تبي تضيع معهم
توكل على الله يا العتيبي الدعيع ماهو ناوي يعتزل ابد حتى لو اعتزال يبغي يأخذ الباب معها هههههههههههههههههههههههههههه
ليه يالهلاليين تقولون وقع ياعتيبي ليه ياخي كذا العتيبي العتيبي 900الف لو يروح مع الانصار يعطونه مليوون ونص واناانصح العتيبي لايوقع جنان 900 هذ1العتيبي يابووووووووووووووووووويه نصرآوي بيشيش العتيبي
والله حسن العتيبي حارس جيد والخيره فيما يختاره الله سبحانه
انا(نصراوي) وأستغرب ردود بعض الأخوان والتي تحمل الأساءه لبعضناالبعض
ياأخوان الرياضه تنافس شريف وليس همزولمز ومعاير بيننا
رأي شخصي( خلك بناديك ياعتيبي أفضل لك)
تحياتي للجميع
اتمنى يروح لنادي ثاني عشان يجي وليد اوالعامري طبعا بعد ابو عبد العزيز الله يحفظه
وبنفس الوقت يلعب اساسي ولا ضرر ولا ضرار
وبالتوفيق للجميع