حذرت من الالتحاق ببرامج السجلات، الأشعة، الصيدلة، والتمريض الرجالي ....التخصصات الصحية تحمل المعاهد مسؤولية بطالة الخريجين

أكد مدير إدارة العلاقات العامة والإعلام بهيئة التخصصات الصحية عبد الله الزهيان، وجود 20 ألف وظيفة شاغرة لخريجات الدبلوم في تخصص التمريض. وركز الزهيان أنه من الأولى على المعاهد إغلاق المعاهد الرجالية والإبقاء على الأقسام النسائية خصوصا في تخصص التمريض، إذ أن سوق العمل لن يستوعب الدارسين في تخصصات السجلات، الأشعة، والصيدلة، والتمريض الرجالي، محذرا خريجي الثانوية العامة من الالتحاق فيها. وأوضح الزهيان أن إبقاء المعاهد الصحية الأهلية على هذه التخصصات من شأنه زيادة عدد العاطلين عن العمل، إذ أنهم لا زالوا يصرون على استمرار التخصصات غير المطلوبة في سوق العمل، مشيرا إلى وجود تخصصات أخرى يحتاجها سوق العمل إلا أن المعاهد لا تفتح المجال لها لأنها مكلفة ماديا. ورأى مدير العلاقات العامة والإعلام أن مستوى الخريجين للمعاهد دون المستوى، آملين بأن يكون أفضل عن طريق تجمعهم على شكل كيانات وعمل كليات ترقى بالخريجين وبسوق العمل بدلا من سفر الطلاب وابتعاثهم للخارج. وأفاد مدير العلاقات العامة والإعلام أن تحذيرات الهيئة وتوصياتها تأتي من منطلق مسؤولياتها وإشرافها على المعاهد الصحية الأهلية لتيسير الحصول على وظيفة بعد التخرج. وبين الزهيان أن التحذيرات والتوصيات تأتي بناء على دراسات إحصائية تجريها الهيئة معتمدة فيها على عدد من الأرقام الواردة إليها من بعض الجهات الحكومية والأعداد الملتحقة حالياً بالبرامج الفنية الصحية وحاجة سوق العمل. وبدورهم، رأى عدد من الملاك (فضلوا عدم ذكر أسمائهم) أن الهيئة شريك في قبول الطالبات والطلاب في التخصصات غير المرغوبة وتساهم في زيادة أعداد العاطلين.
وقال الملاك: «تسجيل الطلاب في المعاهد لا يتم إلا عن طريق موقع الهيئة فهي تفتح موقعها لجميع التخصصات الصحية سنويا حتى تلك التي تحذر منها، فلو كانت لا تريد من أحد التقديم لتلك التخصصات فعليها إغلاقها».
واتفق ملاك المعاهد بحسب عكاظ على أن قرارات هيئة التخصصات تأتي مفاجئة دون سابق إنذار، فبعد أن يخسر مالك المعهد ملايين الريالات في فتح الأقسام والتجهيزات يفاجأ بطلب من الهيئة بإغلاق ذلك التخصص أو تحويل المعهد إلى كلية، الأمر الذي يتسبب في خسائر كبيرة.
* للاشتراك في خدمة الأخبار المحلية
أرسل 1 إلى 808030
من جد مهزله يقول الخريجين دووون المستوى المشرف على المعاهد انتم وانتم الي وافقتم على هذه التخصصات وانتم الي صلحتم اختبار للطلاب والحين تحمل المسؤوليه والشتم والبطاله غيرك هههههههههههههههه
لاحول ولا قوة الا بالله العلي العظيم
طيب انا متخرج فني اشعه من ثلاث سنوات يعني اشرب ماء الشهاده ؟؟؟؟؟؟؟
انا لله وانا اليه راجعون
دعائي انا في ظهر الغيب
شمعنى تبون بنات بالتمريض ولا تبون عيال ؟؟؟؟؟؟؟؟؟؟؟؟؟
مير مافيه بنت شريفه ممرضه بهالوقت واللي يقول عكس هذا يتفضل ويدخل اخته ولا بنته بمعهد تمريض ويخليها تتوظف ونشوف وش النتيجة
ممرضات حاليا بالمستشفيات عطر وعبايات مخصرة وتحرش منهن على الممرضين او العكس وطبعا كلهم موافقين على الوضع واللي مايصدق ويقول غير هالكلام يروح للمستشفيات ويشوف بعينه ولا يقول هذي شريفه ماترفع عيونها لانها بالاساس ترفع عيونها لمديرها وصديقها الممرض معها
اجل ماتبون عيال ممرضين
الخطة واضحة منذ البداية وانتم مشغليننا بجامعة الملك عبدالله والاختلاط
التمريض بالنسبة للبنات هو الاختلاط الأقوى ومفعوله اسرع
الحين يوم نسجل قالو اصبر الى ما تجي موافقة الهيئه والحين تقول غير مسؤلين طيب ليش توافق
وبعدين تقول ان المعاهد تخرج عاطلين وذكرت الصيدلة
نسبة الصيادلة السعوديين في المستشفيات 12% وتقول تخرج عاطلين
قل نبي ندور الرخص خلنا نتعاقد مع الاجانب
ابيك تروح معي الى القرب مستشفى حكومي اذا ما لقيت الي يصرف لك بالصيدلية ممرضة فلبينية ولا صيدلانيه سودانيه ابقطع شهادتي
قال تخرج عاطلين
قل ما نبي نوظف نبي نخلي الوظايف لعيالنا
حسبي الله ونعم الوكيل عليكم
حسبي الله ونعم الوكيل عليكم
بادره محسوبه ... ولكن لماذا لم توقف التخصصات التي ليس لها مجال بالعمل كما فعلت قبل سنتين كلية المجتمع عندما أوقفت التسجيل بتخصص التمريض ليس إلا أن هذه المعاهد مقصدها الأول والأخير المكسب المادي ليس المحافظة على مستوى المعهد ومستقبل الطلاب والطالبات وبنسبة للوظائف لماذا لاتوجد وضائف والجنسيات الفلبينيه والهنديه وغيرها ممتلئة منها المستشفيات ليس مقصدكم توضيف شباب وبنات الوطن والحد من البطاله وإنما ياللأسف لو غداً ذهب هؤلاء الممرضين ماذا سيحل بمرضانا شفاهم الله .
اللحين زي ما قرينا من قراار وزير الصحه انه من بعد 2010 ما يكون فيه قبووول
لاصحاااب الدبلووم الصحي
والى بدااااية الترم كااان التسجيل مفتووح للدبلوم وزي ما انتوو عااارفين تستمر الدراااسه 3 سنواااات كيف يتم قبووولهم وهم جااهم قرار بالشي ذاا
يعني خسااائر ع الفاااضي وسرررقه فلووس الناااس بدون وجه حق
حسبي الله على كل ومن ورطنا بالمعهد والمشكله اننا درسنا سجلات ثلاث اترام
باللعه العربيه ونتفاجاء بالترم الرابع بتعديل اللغه الى الأنجليزيه وكذلك اختبار الهيئه
الله يعين والله حرام ضاعت فلوسنا واحنا مابعد تخرجنا
انشد المسولين بانظر لوضعنا
حسبنا الله ونعم الوكيل بعد ان خسرنا فلوسنا ووقتا في الدراسه في هذا التخصص تجي اليوم وتصرح بانها غير مطلوبة ليش من اول ماتبلغ الطالب عند تسجيله بان هذا التخصص غير مطلوب . الشغله مص دماء ولا الوظايف عند الله علمها
انا من طلبه قسم السجلات بعد دراسه المستوى الاول والثاني بالعربي جاء تعميم من الهيئه بتغيير الدراسه بالغة الانجليزيه .
لكن اين المنصف من هؤلاء؟
خافوا الله فينا كلكم كذابين
نائب وزير الصحة يحلفلي انا واحد اصحابي ان ولده له سنتين مالقاله وظيفة نفس التخصص حقنا يقول جالس مع خواته في البيت
بالله عليكم هذي وين تصرف ؟؟؟؟؟؟؟؟
وزير الصحه و الزهيان وربعه الذين فى هيئة التخصصات الصحيه
يجب ان يقدموا للمحاكمه
لأنهم السبب فى كل ما يحصل
وليس المعاهد الصحيه الخاصه !!!!!!! لأن هذه المعاهد لديها نظام مرتبط بوزارة الصحه
بعدم قبول أى متدرب فى أى تخصص إلا بعد موافقة الوزاره المبجله !!!!! !!!!
فمن يجدر به أن يجلس عند مرته يا...... زهيان ؟؟؟
كل التحيه لمن يحب الوطن والمواطن
استغرب من اسطوانت ملاك المعاهد الاكاديميات بصرفهم الملايين
انااعمل في احد الاكاديميات الصحيه ولا يتجاوز تكلفة الفرع الواحد 900 الف ريال تغطى في فصل دراسي واحد
للاسف المعاهد والاكاديميات تغش الطلاب حيث صدر قرار الوزير بعدم تعيين اي دبلوم بعد سنتين من الان غش وسحت لاسف
الهيئه تتحمل مسؤلية تثقيف الطلاب امام جشع ملاك المعاهد والاكاديميات
هههههههههههههههههههههههههاي==الحين بعد ماتخرجنا واكلناها على وجهينا--اول كنتوا تشجعوناياهيئة التخصصات وكل يوم والثاني جايين المعهد وتشرفون علينا=والحين تتخلون عنا افااااااااا======والله ضعنا بالطوشه(؟) طيب والحل مع الخريجين العاطلين؟
طيب الي تورطم وخلاصم وش مصيرهم لهم من العشرين الف وظيفه والا بس بنات
عزيزي مدير العلاقات العامة في الهئية
اقسم بالله العلي العظيم انك لا تفقه شيْ
كيف ان التخصصات الطبيه مثل الصيدلة والتمريض تم الإكتفاء منها ؟؟؟؟
والنساء فقط 20 الف وظيفة فقط
اتعلم يا عزيزي مدير العلاقات العامه ان هناك 100 الف وظيفة شاغرة يقطنها اجانب وهذا التصريح من وزير الصحة .
يا انك لا تعلم هذه المعلومه او انك تتجاهلها
واذا انت تتحدث عن الكوادر وانها غير مؤهلة
فهل تعلم ان نصف الذين يأتون غير مؤهلين ويتعلمون وبعدها يحصلون على شهادة التخصصات بمساعدة اصدقائهم
فأتمنى ان تكون عارف لما تتحدث
حسبي الله عليكم هذا وزارة الصحه اغلب هئية التخصصات شهادتهم دبلوم وكل واحد فيهم يطلع قرار هذا الذي فالحين فيه
والله المفروض وزارة التعليم تتصدى لمثل هذه المعاهد سواء الصحيه اوغيرها حسب احتياج العمل بس الظاهر ان المعاهد لمسئولين كبار اهم شي نخرجهم والباقي على الله
المفترض يكون هناك تخطيط بين اجهزة الدوله واحتياجاتها من سوق العمل بس الظاهر لبدرعاء ترعاء
بدري ياهيئة التخصصات .. مدري اقول انكم تأخرتوا بكلامكم او اقول انكم نصابين .. كيف سوق العمل مو محتاج ومستشفياتنا مليانه أجانب .. وحنا يا عيال الوطن منطقين عند امهاتنا ..
انا 100% مع كلام الملاك وكل الطلاب الملتحقين بالمعاهد ما سجلوا بهالمعاهد إلا بعد ماشافوا جملة ( معتمد من هيئة التخصصات الصحيه ) على اعلانات المعهد ..
اخيرا .. كيف الخريجين ليسوا مؤهلين .. انا مثلا خريج هذه المعاهد الاهليه ودرجاتي ولله الحمد كالتالي
المعدل 4 من 5 تقريبا
التدريب الاكلينيكي ( فترة الامتياز ) 96 من 100 في مستشفى حكومي
في اختبار الهيئه الذي من الشروط اجتيازه حصلت على 57 من 60
( ماشاء الله )
كلامي لي مدحا لنفسي ولكن اظهارا للحقائق ..
خافوا ربكم فسوف تحاسبون
تبون بس حريم والرجال يدحدر
الله يخلى ابو كس(؟) (؟) (؟)
انا معي دبلوم صيدلة وبتكلم عن نفسي وعن الطلاب اللي بتخصصي فقط
يا استاذ عبدالله انتم ليش ماتوضحون للناس الصورة كاملة لاجل الناس يعرفون الحقيقه
بتفاصيلها
اولا: ان الطلاب المساكين صارو ضحية لمشاكلكم مع المعاهد الاهلية بحيث ان
ان الطالب لايدري اين منكم يعتمد عليه مرجعه الاخير ومناقشته ايا كان من امر في
اجراءات تعليمه ,وبهذا فالطالب اذا ذهب للمعهد قال له المسؤل بالمعهد نحن لانتحمل
اي لوم من قبل الطلاب لان المسؤل هو الهيئة السعودية للتخصصات واذا ذهب للهيئة
قالو له نفس العبارة نحن لسنا مسؤلين عنكم المعهد هو المسؤل
طيب ياستاذ عبدالله لماذا كل هذه الفوضى وعدم التوافق على انظمة تكفل للطالب
حقه من حيث التعليم بالمستوى المطلوب وتأمين توظيفه بعد ذلك
ثانيا :على اي دراسة اعتمد كلامك باكتفاء سوق العمل لهذه التخصصات الطبية ؟
هناك اناس ترى وتبصر لما تقول يااستاذ عبدالله ليسو اعمياء حتىوان لم يكن لديهم
الا ادنى فكرة عن احتياج سوق العمل للصيادله اقلها انهم يرون العمالة بأم اعينهم
وهم يصرفون لهم الدواء هذا غير النقص البشري الطبي السعودي في كثير من المستشفيات سواء كانت الحكومية او حتى الاهلية
ثالثا: يا استاذ عبدلله الهيئة السعودية للتخصصات تلبس ثوب الجشع امام مرأى العالم اجمع
وتركض وراء مصالحها المادية منتهكة بذلك ادنى معايير المصالح العامه فكيف تقول
بملئ فيك ان الهيئة يهمها شأن الطالب؟ وانها تسير على خطى هادفه من شأنها
ترقية مستوى تعليم الطلاب
انك تقول عجبا ياأستااااااااااااااااااااذي
الحين ندرس ونتعب وندفع وفي الاخير المعهد يكسب وهيئة التخصصات مالها شغل؟
ليش ماتكلمتوا من قبل ودرسنا في الخارج قبل المعهد؟!
لازالت التخبطات الغير مستغربه من هيئة التخصصات
طيب توها تفيق من غفوتها هالهيئة ..
أخوي متخرج من أربع سنين من معهد أهلي .. وهو ألحين داج ..لقى وظيفة ب 2500 ريال
(عبد الله الزهيان)) كل يوم يطلعلنا مسوؤل شكل ..
وين أنت يا ابو عابد قبل سنتين ترفعون طموح الشباب المغلوب على أمره للسما وترجعوا تخفسوبها أسفل سافلين .
ما حاولت تحصر عدد الأجانب اللي على هالوظايف وتقدم خدمة لأبناء وطنك وترشحهم ......
للأسف لا أملك إلا أن أقول(أنا في حيره من أمري أين حقوقي ..ولماذا كل هذا التنكيل وأسلوب التعذيب النفسي أشكو من حالة ألا واقع أعيش في خيال الحصول على حقي):
اااااااااااااااااااااااااااااااااااااااااااااااااااااااااااااااااااااااااااااااااااااااااااااااه
والله الملاك صادق
وغير كذا الهيئه تقدر تقفل هذي المعاهد التي تدرس التخصصات غير المرغوبه
بس في الاخير الهيئه ما يهمها غير الكسب المادي فقط
وهي دائما تفتخر بانها تعتمد على نفسها في توفير الدخل المادي بدون الحاجه للدوله وهذا كله من ظهورنا احنا طلاب المعاهد الخاصه
وكمان يجون يطلعون ويقولون مستويات اقل من المطلوب
اااااااااه يالقهر
نفسي اعرف ايش فائدة هيئه التخصصات بالنسبه لنا
الله لا يوفقكم يارب..كان وقفتوا مستقبلنا..وش دخلنا بالمعاهد وكذبكم..قفلوا المعاهد ولا اكتبوا انا ماراح نوظفكم..بعد مانتورط تقولون هالكلام..حسبي الله عليكم..وحسابنا بناخذه يوم مايضيع حق عنده سبحانه
التمريض يوجد حاجه لكن للأسف أغلب الشباب السعودي و ليس كلهم مو كفو يكون ممرض لأنهم يعملون بغير ظمير. . .
وحنا كلن يبي يسرقنا من جه انا شغال بمستشفى على شركه بالمستشفى 999
ريال... هندي
والمستشفى كله فلبينات وهنديات السعوديون والسعوديات يعدون بالاصابع والاخ
عبدالله الزهيان يقول اكتيفينا ... اكتفينا وين الله يرحم والديك تقل الواحد هو يبي
يصرف لك راتب من فلوسه ... مع العلم اني متخرج لي سنه والى اليوم مفتح الدايون
عشان نقدم عاد مته الوظيفه ... مت....... لما يجيك الربيع ... حسبي الله عليهم
المفروض من الهيئه قفل العاهد التي تمنح دبلوم
اما ترك ابنائنا في حيص بيص وهدر مال ووقت
ثم تعلن الهيئه بعدم قبول الدبلوم
اذا ماهو دورك
اين المسئوليين ممايحدث لابنائنا
هذا الزهيان من ذاك المانع :
ففي عام 1425 اعلن الوزير المبجل حمد المانع عن إن الصحة تحتاج إلى 20000 وظيفة رجالية في التمريض وعندما التحقنا في هذا التخصص أفادونا جماعته أن لايوجد وظائف حالياُ في التمريض وقد (اكتفينا ذكواراً)وأيضاً يقولون ان خريجي المعاهد الأهلية مستواهم أقل من الحكومية !! هل تدرون مالسبب ؟؟ السبب أن خريجي الحكومي يتوظفون في حال تخرجهم ولاتزال معلوماتهم باقيه في أذهانهم ويطبقونها من خلال الواقع بعد التوظيف أما نحن خريجي المعاهد الأهلية فبعد تخرجنا نبقى 3 سنوات تحت بند البطاله فأي عقل سوف يحافظ على معلوماته كل هذه السنين من دون تطبيق عملي كما هو التمريض !!! قال تعالى (( لايجرمنكم شنئان قوم على ألا تعدلوا إعدلوا هو أقرب للتقوى )) والآن يقولون أن هناك نفس العدد وظائف نسائية وأنا أجزم أن هذا الكلام سوف يتغير بعد سنتين من الآن لذا أنصح أخواتي بعدم الإلتحاق بهذه التخصصات .
الأكيد أننا وقعنا بين سندان وزارة الصحة ومطرقة الخدمة المدنية وماكان لقوم أن يقولوا كلمة ويتراجعون عنها وحسبي الله ونعم الوكيل على من كان السبب
نعرف انا وانت يا عبد الله الزهيان ان المعاهد الصحيه مقصدها الاول والاخير ما ا ا دي
فمادام ان فيه طلاب يقدمون على هالاقسام ماراح يغلقونها
انتو الجهه المختصه بالمعاهد اغلقو الاقصام الي ما لها فرص وظيفية
الطالب مسكين وش دراها انه بعد ما يتخرج اغن ما فيه وظايف
وشكرا
اذا كلامي فيه خطا يا جماعه قولو وانا اعتذر منكم
5 سنين خريج فني اشعه وماتعينت
ياعالم ياناس حدث العاقل بمايعقل احنا ضحيه ملاك المعاااهد ياخي قفل التخصص اللي مكتفين منه ليه تكدسون العالم فوق بعض ياخي بايع سيارتي انا او ماتدرون ياعالم خافو ربكم لا ملااااك المعااهد ولا الخدمه المدنيه ولا الوزااره كل واحد يلقى اللوم على الثاني فيه نقص من هنى لبكرى افتحو برنامج التشغيل الذاتي احسن من الفلبيني والهندي والمصري اللي على التشغيل الذاتي احنا اولا
أرحمووونا تكفوون ياوطن ياوطن شوف امرنا
انشري صرختي ياعاااااااااااااااااجل
ليش ماقلتوا الكلام هذا من اول ياهيئة التخصصات وش فايدة هالكلام بعد مادرسنا وتخسرنا مبالغ ماليه
صار لنا الحين قرابه الثلاث سنوات قاعدين
لا وبعد يالله نجحنا بالدف في اختباركم المعقد يانا فيه وظائف سجلات شوفوا المراكز الصحية كلها ممرضات وين فنيي السجلات الطبية المؤهلين
كيف مافيه وظايف والمستشفيات الحكوميه مليانه من الاجانب وجميع التخصصات
وكذالك المتوصفات الاهليه كلها اجانب قليل تلقى سعودي في المستوصفات الاهليه الا في الصباح تلقاه في الاستقبال ويديره اجنبي يعني صوره بس عشان مكتب العمل وضفو الشباب خلو خيركم لبلدكم
صح النوم واللله العظيم ماسمعت بالخبر الا توي الاسبوع الاول في الاكاديميه الدوليه لما قدمت من جد تحطيبم معنويات والله الاكاديميه اللي في مكه البنات عندنا تاهيلي بدوا ينسحبوا والله تكلفه كل وحد تجيب كلام من عندها حسبي الله ونعم الوكيل الحين اذا مافي وظايف دبلوم على قولكم وين ندرس بكاليورس والله العظيم خايفه فلوسي تروح على الفاضيؤ بعدين كليه الغد مره تكلفة الدراسه غاليه وغير كده مواصلات والله العظيم الفلوس اللي ادفع بها دراسه وما اضمن الوظيفه اروح اشتري بها ارض والا اي شي استفيد بها وانا الكسبانه بسوش اسوي ميل وطوحات الشخص تخليها يسوي المستحيل والله حرام انظروا في حال الناس ثلاثه ارباعهم فقاره مافي وضع متوسط ياغني يافقير بس انتوا تخدعوا نفسكم بالناس الوسط مافي الشي ده ولسه بنلبس ونطلع وسوقه وبعد كده مافي وظايف مو حرام يعني لازم فتامين (واوا) بالله العظيم كيف تبون ناخذ فيتامين (واوا) واحنا ماتعلمن كيف ناخذه
استغفر الله العظيم
اتمنى اي احد يشوف كلامي وزير نايب وزير عشان يحس بمعناة الناس
اخيرا اسفه لو قلت كلام يزعل بس والله شي يسد النفس الواحد توها تخرج وعلى طول صدمات
ما أقووووووووووووووووووول إلا حسبي الله على كل مسؤووووووووووول خاين لأبناء بلده .
السلام عليكم ياهيئة التخصصات الصحية نروجو ان تجدو حل لهذا الكلام
حارم عليكم انا دارس حتى المستوى الرابع فني سجلات في الاكادمية الصحية معدل وتحملة دفع المال ويوم سرة المستوى الرابع تقول هذا الكلام بعد ايش
ياويلكم من الله ضحكتو على عيال بلادك واخر شي رحت المستشفى الاقي فلبنية في قسم السجلات والسعوديين بره بره بره حارم الا ولى السعودي بدل الاجنبي