أمير جازان يستقبل قائد قوة أمن المنشآت المعيّن حديثًا بالمنطقة    أمير الباحة: تبرّع ولي العهد السخي يسهم في تمكين المواطنين وتحقيق الاستقرار السكني لهم    الرئيس التنفيذي لمستشفيات المانع يحصد جائزة "الشاب القائد للعام" من مجلس الضمان الصحي    الأهلي والهلال غدًا في مواجهة مُرتقبة لبلوغ نهائي نخبة آسيا    القبض على مواطن بتبوك لترويجه مادة الحشيش المخدر    أمير تبوك يستقبل رئيس وأعضاء جمعية خدمة ضيوف الرحمن بالمنطقة    خيسوس يؤكّد جاهزية الهلال لنصف نهائي كأس أبطال آسيا للنخبة أمام الأهلي    محافظ تيماء يرأس الجلسه الأولى من الدورة السادسة للمجلس المحلي    بلدية مركز شري تُفعّل مبادرة "امش 30" لتعزيز ثقافة المشي    وزير الخارجية يصل سلطنة عُمان في زيارة رسمية    جيسوس: إصابة كانسيلو الجانب السلبي الوحيد    أمانة تبوك تنفذ (10) ورش عمل لحماية النزاهة وتعزيز الشفافية    الراشد : حققنا أهدافنا ..وهذا سر دعم زوجتي لجائزة السيدات    جامعة الأمير سلطان تطلق أول برنامج بكالوريوس في "اللغة والإعلام" لتهيئة قادة المستقبل في الإعلام الرقمي    أمير الشرقية يرعى تخريج الدفعة ال 46 من جامعة الملك فيصل    "البحر الأحمر الدولية" تكشف عن مستعمرة مرجانية عمرها 800 عام    هل تنقذ الصحافة الاقتصاد في عصر الذكاء الاصطناعي؟    الذهب يهبط بأكثر من 1%    الصين تطلق بنجاح قمرًا اصطناعيًا جديدًا لنقل البيانات    أمير القصيم: الخريجون ثروة الوطن الحقيقية لتحقيق التنمية    بتوجيه من ولي العهد.. إطلاق اسم "مطلب النفيسة" على أحد شوارع الرياض    وزير الاقتصاد: المملكة الأولى عربيا في الأداء الإحصائي    اتخاذ الإجراءات النظامية بحق مَن يسيء لسمعة السياحة    السعودية تمتلك تجارب رائدة في تعزيز ممارسات الصيد    هنأت رؤساء توغو وسيراليون وجنوب أفريقيا.. القيادة تعزي الرئيس الإيراني في ضحايا الانفجار    "الانضباط" تجدد رفض احتجاج الوحدة ضد النصر    اكسر حواجز الواقع و اصفع الفشل بالإصرار    مدير الجوازات يستعرض خطة أعمال موسم الحج    صقر في القفص الذهبي    أبناء زين العابدين يكرمون كشافة شباب مكة    محادثات القاهرة تتعثر.. ولا ضوء في نهاية النفق.. الاحتلال يصعد في غزة ويطارد حماس عبر «مناطق عازلة»    تنفذها الإدارة العامة للتوجيه والإرشاد بوزارة الداخلية.. أمير الرياض: الحملة الوطنية.. "الولاء والانتماء" تعزز الأمن وتحصن الشباب    معرض"ذاكرة الطين" للتشكيلية فاطمة النمر    تعاون بين هيئة الصحفيين و"ثقافة وفنون جدة"    كيف تحل مشاكلك الزوجيه ؟    أكدت أنه يتفق والمصلحة المطلوبة شرعًا.." كبار العلماء": لا يجوز الذهاب للحج دون أخذ تصريح    كبار العلماء: لا يجوز الحج من دون تصريح    دمشق ل"قسد": وحدة سوريا خط أحمر    مقتل شخصين في ضربات أميركية على صنعاء    Adobe تطلق نموذج Al للصور    «إسرائيل» تمنع دخول شاحنات المساعدات لغزة    أخضر الشابات يترقب قرعة تصفيات كأس آسيا تحت 20 عاماً    جلوي بن مساعد يهنئ جامعة نجران    صناعة الحوار    تشكيليات يرسمن أصالة الأحساء    ليلة استثنائية    مؤشر نسبة العاملين من ذوي الإعاقة يقترب من تحقيق مستهدف رؤية 2030    «هيئة الشورى» تعقد اجتماعها الثامن    حل 40 ألف قضية أسرية قبل وصولها للمحاكم    ملتقى «توطين وظيفة مرشد حافلة» لخدمة ضيوف الرحمن    «جمعية تجهيز» تُخصص رقماً مجانياً للتواصل    وفاة عميد أسرة آل أبوهليل    محمد بن ناصر: رياضة المشي لها دورها في الوقاية من الأمراض وتعزيز الصحة    طلاء سحري يقتل البكتيريا والفيروسات    ارتفاع حرارة الأطفال بلا سبب    الميتفورمين يخفف آلام التهاب مفاصل الركبة    ولي العهد يوجه بإطلاق اسم الدكتور مطلب النفيسة على أحد شوارع الرياض    حسين الشيخ نائبا للرئيس الفلسطيني    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حملة مقاطعة الكوافيرات الغاليات/ احنا نقدر نسوي أحلى !
نشر في عاجل يوم 22 - 07 - 2013


صراحة الوضع مره زاد عن حدّة ..
ولازم كلنا نوقف ضدّ هالنهب والسلب اللي قاعد يصير قدام عيونا ..
مو حاطين أي اعتبار لنا ،‘ وكأنو يستغفلونا واحنا نضحكْ !
المشكلة أنهم فعلاً عارفين بهالشي .. ويتريقون بيناتهم على هالموضوع ..
والموضة السائدة .. وت؟
أنا سمعتها من ميك آب آرتيست هنا بدبي..
تقول أنو احنا بمجتمع يقدر الغالي ..
فمستحيل أبدا ب 300 وهيك ! لازم فوء فوووء !
الوضع كله حولنا يتأزم..
ناس فقدوا وظايفهم .. وناس بدو يمسكون فلوسهم ..
وناس بدو يسوون شد أحزمة ..
وكأن تفسير يوسف عليه السلام لحلم السبع السمان والسبع العجاف قاعد يصير قدامنا !
واحنا بكل بساطة إلى الآن مانحاسب!
تدرون بنات بدبي الآ فيه مهرجان
حضرت 4 مهرجانات لدبي ..
كان السوق كتف الواحد بكتف الثاني من الزحمة !
تعالوا شوفوا المولات الحين
فاضيه وا ن انزحمت تشوفون الناس يتمشون مو داخل المحلات !
لازم نفكر شوي وندرس أولوياتنا ..
عندي مناسبة عادية ليه أروح لصالون وأدفع 300؟
أروح لصالونات بسيطه أستشور ولا أسوي بف بسيط ب 100
أو ليه مانتعلم ؟
سؤال مره مهم
بنات احنا وش ينقصنا .. ؟
وش ينقصنا مانتعلم الميك آب ..
صعب ؟
من يقوله
أكيد مو أصعب من هالمواد اللي ندرسها بالجامعة
وهذانا ناخذ معدلات ونسب فوق !
وش ينقصنا مانسوي شعورنا بنفسنا ؟
كل يوم أحلى المواضيع تنعرض بالنت .. وش يمنعنا مانسويها؟
صعب؟ مستحيل؟
بنات لازم تفوقون وتنتبهونْ !
خلاص هم معد يهمهم ..
وشبعووووووووووووو
سوينا مقاطعة لمنتجات دنيماركية وأمريكية مو قادرين تقتنعون أنكم أحسن من منهم كلهم؟
قولوا لي كم من وحدة طلعت راضية بعد ماانتهت من الميك آب أو الشعر؟
عطوني نسبة .. ؟
مستحيل تكون عالية ..
قليل جداً مانكون راضين .. !
وبعدين .. مستمرين ؟
احنا نبدع بكل شي نبيه .. أي شي نبغى نتعلمه نبدع فيه
الحمدلله ماينقصنا لا ذكاء ولا مهارة ولا قدرة .. ليه بنات متخيلين إنه شي صعب لدرجة أتنازل عن 2000 ريال بليلة وحدة لميك ب بينغسل بعد كم ساعة !
والمشكلة الأكبر إيش .. ؟
نظرتنا للي تسوي لنفسها مره نحقرها !
مره كنت بمناسبة وبنتين مسوين عند لبنى العمير ..
طبعاً لبنى ب 1000 مدري 1500 تروحين لها يعني ..
وكلن ينتظرهم !
وش بيكون شكلهم
دخلوا .. والله أذكر سألت مرتين .. صح فلانه وفلانة ؟؟
يقولون ايييييييييييه ---كذا بتون فخر وإعجاب
مره قدروهم مهما كان شكلهم لأنهم سوو عند لبنى فقط !
لكن لو أقول أنا مسوية لنفسي يردون: اها !
الموضوع بدا يزيد عن حده بشكل مخيف
بنات احنا محاسبين على كل ريال قاعدين نصرفهم ..
حاولوا بس تفكرون شوي بالمبالغ وشوفوا وش يطلع معكم
وروبي وطقتها لو كلنا وقفنا ضدهم بيعرفون كيف يتعاملون معنا أول شي وأهم شي باحترام !
وثاني وكل شي باحترام!
اخترت/ احنا نقدر نسوي أحلى
عشان لازم نقتنع أن فعلاً احنا ممكن نسوي أحلى
يمكن ماجربنا .. !
يمكن خايفين أنه مايكون حلو ..؟
يمكن جربنا والناس انتقدونا لأن المجتمع كله مو متقبل أن اللي تسويه لنفسك ممكن يكون حلو
يمكن أمو كثير واردة ،‘ !
لكن/ احنا ممكن نسوي أحلى نثبت لنا ولأنفسنا وللي حولنا انه فعلاً احنا نقدر نسوي أحلى !!
* وصلتني تعليقات أن البنات يعتبرون هالمقاطعة غير مجدية وأننا راح نحتاج لهم رضينا أو لا،
وأحب Hوضح نقطة .. المقاطعة ليست مقاطعة نهائية بقدر ماهي مقاطعة منطقية .. مقاطعة بعقل!
يعني احنا ندرس خيارتنا قبل أي شي..
الحلول البديلة/
* الكوافير ماتكون الحل الدائم، والجواب السهل بكل الأوقات. بمعنى لازم نقلل قدر الإمكان من زياراتنا للكوافيراتْ،
ممكن نختصرها في المناسبات المهمة فقطْ، أما الزيارات والعزايم البسيطة، نتأكد ان احنا نقدر نسوي أحلى!
خصوصاً أن الاتجاه السائد الآن هو الاتجاه الراقي والأكثر كلاسيكية .. بعيداً عن التكلف!
وهذا الأمر مُكتسب من اللوك الأوربي ..
ومعروف أن الأوربيات يبحثون عن النعومة بمنظرهم، والطبيعية أهم الأمور اللي تميّزهم!
وهذا بالطبع أنتج قدرتهم على التعامل مع نفسهم والقدر على \"تصليح\" أنفسهم بنفسهم!
طبعاً الكلتشر يختلف .. والذوق يختلف ولكن كلنا نشترك بالرغبة بعدم التكلف!
لأنه فعلاً يتحول من ستايل إلى منظر مبتذل!
وبالتالي .. سعينا لهذا الأمر يدفعنا أكثر إننا نتعلم على نفسنا أكثر بحكم إننا مانحب المبالغة والوصول لها النتيجة مع شوية تمرين جداً سهل بشهادة الكثير من الرودو والرسائل الخاصة اللي وصلتني هاليومين اللي راحوا.
* الميك آب، أرى أنه من أكثر الأمور اللي نقدر نعتمد على نفسنا فيها ببساطة، لأن كل وحدة مننا عنده درج أو أضعف الإيمان علبة تحتوي على أرقى أنواع المكياج، فلذلك الأدوات عندنا
بقى نتعلم على نفسنا.
عموماً الإنترنت الآن مو مخلي حجة لأي أحد، ممكن باطلاع بسيط على بعض المواقع اللي توفر طرق سهله وبسيطة للمكياج،
حتى المواقع الكبيرة مثل ميك آب فور ايفر .. واضعة بعض الطرق لعمل لوك معين!
* الشعر، أكثر من مره شفت مقاطع فديو تشرح لنا شلون ممكن نسوي تسريحة بسيطة وسهلة .. وممكن اللي عندها تضيف لنك هنا
أو كيف ممكن نستخدم الاستشوار والليسْ، يعني تدريب بسيط ونقدر نتقنه.
أمور مهمة لازم نقتنع فيها/
* لما نكلم كوافير ونشوفها رفعت سعرها زي الموضة السائدة الحين .. من كامل حقنا إننا نمتنع ونبين موفقنا من هالأمر ونوضح لها إنه مو من حقها ترفع السعر لمجرد رفعه!
وخصوصاً هالوقت بنات بحكم الأزمة الإقتصادية .. ممكن نرد بلباقة إن العالم كلها يمر بأزمة والأسعار تنزل ومن المفترض إن حتى أنتو بتنزلون الأسعار زي ماانرفعت سابقاً بنفس الحجة!
بنات .. هذا الأمر مافيه أي نوع من أنواع ال غير تحضّر .. بالعكس .. ردك باللي أنتي شايفته وبكلمات بسيطة ومقنعة يعتبر قمة قوة الشخصية والتعبير القوي عن الذاتْ.. وأكيد .. الدفاع عن الحق !
احنا لازم نكون أقوى .. ونقدر نتعامل مع أي شي يواجهنا بحزم أكثر،
لأننا بنات وبكرا بنصير أمّهات وأطفالنا بيحتاجونا كثير .. فإذا ماقدرنا نتصدى لأمر بسيط مثل هذا راح نتعب كثير ونكون ضحية لأشخاص مايحترمونا ولا يعطونا أي اعتبار.
خجلنا من مواجهة البعض بحجة : خايفة تاخذ فكرة إني بخيلة أو لو كلاس .. لازم نشيلها من بالنا .. لأنها مو صحيحة أبداً !
احنا ندفع مقابل خدمة من حقنا نرفض ومن حقنا نوافق، أبداً ماكانت \"الهاي\" كلاس مرتبطة بموافقتنا العمياء أو على مضض على أي أمرْ أو خدمة احنا مو مقتنعين فيها !
بالإضافة إلى ذلك .. أمر أكثر اهمية، أننا لازم نفخر بأي عمل نعملة، ونفرح بإنجازاتنا .. أسلوب التحطيم اللي نشوفه من بعض البنات لما تقول أنا مسويه شغلي بنفسي لازم ينتهي لأنه أمر مو صحيّ بتاتاً
والفخر اللي نشوفه بعيون البعض لما أحد يقول أنا مسوية عند فلانه بغض النظر حلو أو لا لازم أيضاً يختفي!
لأنه مو منطقي.
* مره وصلني تعليق إن هذا قطع أرزاق وإن هالحملة لازم تتوقف واللي ماعندها لا تدفع!
استغربت فعلاً وشفت هالموضوع فيه جانب من الأنانية ..
لأن الموضوع مو مرتبط ب كوافيرة أو 2 الواحد ممكن يتلافاهم بأسهل من السهولة
الموضوع صار موضة رائجة
قولوا لي كم وحده رفعت أسعارها للسحاب؟
وكم كوافير رفعت أسعارها وهي معها مكياج من المهباج و هالمحلات؟
وكم كوافير اخلاقها بدت تشين على الزباين؟
الموضوع صار ملاحظ ويضايق كثير .. وعشان كذا احنا لازم كلنا ناخذ موقف إيجابي من هالحملة
نبين لهم غإه باختيارنا نبين رفضنا للاستغلال الغير مبرر
خصوصاً إن عندهم فكرة إن عندنا فلوس كثيرة
ومن حقنا لحسد وحقد في قلوب البعض
والشواهد كثيرة بكل مكان!
* لو بتروحين لأي أحد في الشارع وتقولين له عطني سلف 10 ريال .. بيعطيك؟
طيب يمكن إيه لو قلتي 500 بليز .. بيعطيك؟
ماأتوقع
فلوسنا من حقنا واكتسابنا لها ماكان بسهولة،
فعشان كذا لازم نصرفها بحكمة ومنطق!
ونقدر نحدد أولوياتنا بكل الأمور.
.. !
بنات .. أنتم قدها ^_^
وأكيييييييد نقدر نسوي أحلى


انقر هنا لقراءة الخبر من مصدره.