"نفسك على المرجله ياحسين تواقه" قصيدة للشيخ علي العابسي

قصيدة للشيخ علي بن عبدالله العابسي في ابنه الرائد / حسين بن غانم العابسي بعد أن اعتلا قمة جبال غابة جوليان بولاية كاليفورنيا الأمريكية.
لاهنت ياللي رقى في روس الأمثالي
اللي رفع راية التوحيد خفاقه
ماكل غمر(ن) رقى في المرقب العالي
دايم هل العزم للطالات سباقه
ماكل رجل(ن) براس الرجم يحتالي
إلا رجال(ن) لفعل الطيب شواقه
الحر مايسكن إلا روس الأجبالي
رفعت رايت طريب فوق براقه
بأعلى جبال الولايه كنه هلالي
رفع شعار الصحيفه وافرح اصداقه
يفداك غمر(ن) يحب القيل والقالي
حكي القفا مهنته قطاع للساقه
ياحسين سبح وهلل واطلب الوالي
والعبد يشكر عظيم الشان خلاّقه
عسى المهمه على مايطرب البالي
نفسك على المرجله ياحسين تواقه
دايم تبي الأوله ماتبغي التالي
الجد والعزم يمد النفس بالطاقه
عسى السحايب على طريب تنهالي
يجيك سيله ويرعد فوق براقه