ما هي نهاية حب؟ هذي بداية عمر.. لكن عمر ثاني.. لا حب.. لا إحساس.. لا اوله.. ولا تشتاق.. ما فيه لا هيبه.. ولا طناخة قلب؟ فيه الغلا ممنوع.. وصوت الوجع مسموع.. والدمع لاعياني.. تدري شكثر إنهنت؟ ناظر تحت رجليك..تلقى كرامة بنت.. بنت بدوي ٍّ مات.. وتركلها (قيمه.. عزه.. وبعض شيمه) وإحساس بالحرمان؟ ليته قعد ما مات.. ولا احتاجت لغيره؟ وطاحت تحت رجليه.. وهانت كرامتها.. ووصاة شايبها.. وجرح ٍ تفنن فيه.. أخذت كل عمري.. تحناني وصبري.. وش رد معروفي؟ طقيت بابك ود.. وهتكت جرحي صد.. وأنا على بابك.. شفت إشكثر بك مت؟ ناظر تحت رجليك.. تلقا بقايا بنت؟ * * تعبت أعيشك بعيد وقلبك قريّب إنهد حيلي وكثرت بي مصايبها يالقرم يالذرب يالفزاع يالطيّب ما حن قلبك على اللي مات شايبها نصيت قلبك وأنا أدري منته بخيّب وأثر الزمن لف هايفها بخايبها في جوف ليل الوهم لا زاد لا زهيّب آهات تجمع بقايا ريح غايبها لي الزمن أخذته جنبي صحيّب بعيوني الذكريات أسمع نحايبها وأسمعك بأقصى عروق القلب متهيّب جروحك اللي بجوفي ليش هايبها معاد لي بالغلا في خاطرك نيب إلا ليال القلق تركي شبايبها وش عاد بآخذ من جروحك وش آسيّب هدت متوني وبانت بي غلايبها يالقرم يالذرب يالفزاع يالطيب منلي/ إلا رحت/ ثم ضاقت رحايبها
