المر.. والأمرّ!

كثير من الازواج ما يفرد عضلاته الا على حرمته واولاده، يجي من برا مسفهل وابتسامته نص متر على خشته، واول ما يدخل البيت تنقلب الابتسامة الى تكشيرة، زي الصورة اللي فيها مرسوم وجه مبتسم واذا قلبتها طلع وجه مكشر، بعض الزوجات تستحلي النكد على زوجها وغصب عنه لا دخل البيت تنقلب نفسيته من كثر البهاذيل اللي شافها من زواجه النكد، وبعض الزوجات مسكينه ما هي عارفه ترضي سبع البرمبه ولا هي داريه وش الطريقة اللي تخليه يحب بيته وعياله ويركد زي بقيه خلق الله، اول ما يخش البيت يدور اي حاجة تخليه يسب ويصايح، تلاقي عيونه تفر زي المروحة ومجرد ما تطيح عينه على اي خطأ بسيط قلب البيت فوق تحت، وبزارينه عيونهم مبحلقة يتمنون جوى انفسهم ان ابوهم شخص ثاني غيره، تلاقيهم اذا راحوا المدرسة يسمعون قصص من زملاهم تقطع قلوبهم من روحات للملاهي وسفر وغيره، الزوجة المسكينة ما هي عارفه سر كره زوجها لجلسة البيت، ومتورطة بكم بزر وان راحت لاهلها من يتحمل اولادها اللي ماخذين من طبع ابوهم النفس الشينة وتخريب كل شي في البيت، وان جلست وصبرت تلاقي في صبرها جميع انواع المذلة مع زوج لا يعجبه العجب ولا الصيام في رجب، وهذي المشكلة ما لها الا الدعاء وانتظار الفرج من رب العالمين، كل ايش حدك على المر؟ قال اللي أمرّ منه!