قليل حاضر ولا كثير غايب

خدمات

يا من يقرأ صلوا على النبي اللهم صلي وسلم عليه .. نسأل الله أن يغيث البلاد والعباد وأن يكفينا وإياكم شر النفوس الخبيثة ويقينا وإياكم من صروف الدنيا وأن يحفظ علينا الأمن والأمان وأن ينصر دولتنا ويعز حكامنا.
حنا ربعكم وإخوانكم في مركز السرح من محافظة النماص نلتجي إلى الله سبحانه ثم لحكومتنا أن توفر لنا بعض الطلبات وتنظر فينا بعين الحاجة وتمنعنا من المشاوير والطلعة والنزلة كل يوم وتوفر لنا بلدية قريبة منا تخدمنا وتخدم ربعنا دون قصور في محافظنا محمد النايف ورئيس مركزنا عبدالله بن محيا، فهم سندنا وعون لنا وهم أدرى منا باللي نبغاه ونقول في بدايتها بسم الله:
أولها: ودنا ببلدية تخدم المركز وتفتح الطرق وتهب لها سفلت وتولع فيها إنارة وتعتني بالمنتزهات وتستقبل المصيفين ليا جونا وتهب فيها الخدمات اللي يحتايونها فيها، ويهبون مخططات وأراضي لنا ولبثورنا ونبتني عليها، وثانيها: ودنا يزيدون من عدد العسكر في مركز الشرطة ويبعدون عنا المجهولين يمسكونهم ويسلمونهم للدولة تفكنا من شرهم وخبثهم ولا ننسى اللي يتلعبون ويفحطون بالسيارات تالي الليل.
وثالثها: ودنا يوفرون لنا مستوصف متكامل فيه كل الدكاترة، وان ودهم يهبون لنا مستشفى فلا حن بالكارهين الله يعز دولتنا وينصرها.
أما رابعها: ودنا بمركز اسعاف الهلال الاحمر يودي اللي تجيهم الحوادث من سبب الطريق والسرعة اللي تاي فيه ويودي ويجيب المرضان للمستشفيات حتى يوفرون لنا طلبنا الثالث، وخامسها: ودنا بهيئة الأمر بالمعروف والنهي عن المنكر ينادون على المحلات يسكرون للصلاة ويشوفون المجهولين اللي يسوون الخراب، هذا قليل من كثير نبغاه يجينا وإلا فالمطالب كثيرة ولكن قليل حاضر ولا كثير غايب وسلامتكم جميع وختامها صلاة على النبي.