عرعر السودة

المطر

الله يا زين عرعر السودة ويا زين لون وخضرة العرعر .. تشم ريحة العرعر وأنت تتمشى على رجليك في السودة.. تحس أنك تعيش في عالم ثان ويطير خيالك وعقلك.. ما عاد تقدر تفكر ولا شيء تقول يا ربي أنا في حلم والا في علم .. لا وبعد وانت جالس تحت العرعرة والجو ضباب وغيوم ما تشوف الشمس وتقول صدقوني إن أوروبا اللي يقولون ما تجي مثل السودة ولا في أرضها ولا حولها.. تشوي التيس على الجمر وشوي وتسمع قصف الرعد شوي وتشوف البرق وتقول يالله خير من عندك ويبدأ الوشيل يمطر على راسك والعرعرة تغطيك وتبدأ تستمتع وتقول الحمدلله اجتمعت تيس مشوي ومطر وشجرة عرعر وبرق ورعد وضباب وعافية من الرحمن. وبعد هذا براد شاهي على الجمر وانت مروق وتقول الله يكثر العرعر ليته يشطي في كل مكان وكل زمان.