اليوم.. آخر مهلة لتوثيق عدادات المياه قبل إيقاف الخدمات الإضافية    البرتغال تدرس كافة الخيارات لاستبدال طائرات اف-16 الأميركية    القبض على باكستاني في جدة لترويجه (1.4) كجم (شبو)    هالاند يحقق رقم تاريخي غير مسبوق مع مانشستر سيتي    شركة المربع الجديد تشارك في مؤتمر MIPIM 2025 العقاري    حكاية كلمة: ثلاثون حكاية يومية طوال شهر رمضان المبارك . كلمة : بئير    الجالية الهندية في جازان تقيم مأدبة إفطار رمضاني    إنتاج العنب المحلي يتجاوز (122) ألف طن سنويًا    اندريك يعوض نيمار في منتخب البرازيل    الكشافة يحققون أكثر من 26 ألف ساعة تطوعية في خدمة زوار المسجد النبوي خلال النصف الأول من شهر رمضان    أبرز العادات الرمضانية في بعض الدول العربية والإسلامية.. فلسطين    أكثر من 21 الف مستفيد.. "نور" تقدم برامج دعوية خلال أسبوعين من رمضان    مشروع الأمير محمد بن سلمان لتطوير المساجد التاريخية يجدد مسجد العظام ويحفظ تاريخًا يمتد إلى 14 قرنًا    في الوقت القاتل .. ضمك يخطف فوزاً ثميناً من القادسية    النصر يتغلّب على الخلود بثلاثية في دوري روشن للمحترفين    ضبط (23865) مخالفاً لأنظمة الإقامة والعمل خلال أسبوع    الوحدة يتغلّب على الخليج بثنائية في دوري روشن للمحترفين    ( التطلي) والذكريات الرمضانية    من العقيدة إلى التجربة.. قراءة في أنسنة الدين    الدفاع المدني يكثف جولاته التفتيشية بالمدينة خلال رمضان    قصر ضيافة ومباني فندقية وسكنية في مزاد "جود مكة"    إنجاز سعودي في الأولمبياد الشتوي الخاص    ولي العهد يهنئ السيد مارك كارني    "ستاندرد آند بورز" ترفع تصنيف المملكة الائتماني عند "A+"    زلزال بقوة 5.4 درجات يضرب شبه جزيرة ميناهاسا في إندونيسيا    واشنطن تطرد سفير جنوب إفريقيا    تفعيل مبادرة صم بصحة في فعالية إفطار حي خضيراء الجماعي    فيديو.. غضب رونالدو بسبب استبداله أمام الخلود    إفطار رمضاني يجمع صحافيي مكة على إطلالة البيت العتيق    طويق جازان في مبادرة إفطار مرابط بالحد الجنوبي    20 جولة تبخير وتطييب للمسجد الحرام يوميًا خلال رمضان    السفير المناور يرفع الشكر للقيادة بمناسبة تعيينه سفيرًا لدى المكسيك    الكشافة يقدمون خدماتهم لزوار المسجد النبوي    إطلاق 16 كائنًا فطريًا في محميات العلا    أمير منطقة المدينة المنورة يطلق حملة "جسر الأمل"    وفاة الأميرة نورة بنت بندر آل سعود    تحقيق أممي: الاحتلال يرتكب جرائم إبادة جماعية بحق الفلسطينيين    المملكة ترحب باتفاق ترسيم الحدود بين جمهوريتي طاجيكستان وقرغيزستان    أمانة القصيم تُعلن جاهزيتها لانطلاق مبادرة "بسطة خير السعودية"    قطاع ومستشفى بلّحمر يُنفّذ حملة "صُم بصحة"    قطاع وادي بن هشبل الصحي يُفعّل حملة "صُم بصحة"    نائب أمير منطقة مكة يستقبل رئيس المحكمة الجزائية بجدة    محافظ الطائف يناقش تقرير لجنة الأسواق الشعبية    "بسطة خير السعودية" تنطلق لدعم 80 بائعًا متجولًا بالشرقية    جامعة الملك عبدالعزيز تحتفل بيوم العلم السعودي بسباق "راية العز"    نائب أمير منطقة مكة يرأس اجتماع لجنة الحج المركزية    طيبة الطيبة.. مأرز الإيمان    العلا.. تضاريس ساحرة ونخل باسق    عَلَم التوحيد    مكة في عهد يزيد بن عبدالملك بن مروان.. استقرار إداري رغم التحديات السياسية    المشي في رمضان.. رياضة وصحة    نصائح لمرضى الكلى في رمضان.. يجب الالتزام بأساليب التغذية السليمة    الصين تتفوق عسكريا على أمريكا    خناقة بمسجد!    مباحثات جدة الإيجابية "اختراق كبير" في الأزمة الروسية الأوكرانية    فرع هيئة الصحفيين بجازان يحتفي بيوم العلم السعودي بالتعاون مع فندق جازان ان    تعهد بملاحقة مرتكبي انتهاكات بحق وافدين.. العراق يعيد مواطنيه من «الهول» ويرمم «علاقات الجوار»    مشروع الأمير محمد بن سلمان يحافظ على هوية مسجد الجامع في ضباء    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



كلية الخرج للأقسام الأدبية .. مصيبة ماأعظمها من مصيبة !
نشر في الخرج اليوم يوم 15 - 03 - 2010


السلام عليكم ورحمة الله وبركاته ..
ماادري من وين ابدأ ولا وش اقول .. بس بحاول اختصر الكلام
انا طالبه من طالبات كلية التربيه للاقسام الادبيه في الخرج ..
مدري اسميها كليه ولا روضه ولا مكان غير آهل للاستخدام البشري اصلا
مدري من وين نلقاها ..:as9:
من مبنى زفت آيل للسقوط مسكر كله بمظلات مانقدر نشم هوا !
حماماته وانتو بكرامه معفنه مافي اهتمام بالتنظيف ولا شي !
مقاصف (للأسف وكثيره عليها كلمة مقصف) بأسعار مضروبه على ان البضاعه لاتستدعي هذه الزياده في الاسعار!!
مثال : فطيره نشتريها من برا بريال عندنا تنباع بأربعه
عصير نشتريه بريال ينباع بريالين
كندر ينباع بأربعه مع انه بريالين ونص برا
من المسئول ؟!
طبعا نقول بنجيب لنا فطور من برا وماعلينا من بضاعتهم .. لا مالك حق غصب عليك تشترين منهم !!
اي شي نجيبه من برا ياخذونه الأمن !
انك تطلعين من القاعه للبريك بتشترين لك فطور مايمديك من الزحمه واذا صرتي محظوظه ذاك اليوم وشريتي وصارعتي الزحمه وطلعتي ياشعرك منتفش ولا منكتمه من الريحه .. ماتلقين لك كرسي تجلسين عليه
وتضطرين تجلسين على الدرج ولا على الرصيف ويدخلك برد عادي
الروائح النفاثه اللي نشمها كل يوم من المجاري !
طبعا هذا كله بنتحمله لو كنا شفنا شي يغطي عليه من تعامل او اسلوب من الاداريات او موظفات الامن او حتى اعضاء هيئة التدريس ..
خلوني اقولكم بعض من المواقف اللي نشوفها كل يوم !
بنت جايه الصبح تمسكها موظفة الامن ! ليش مالبستي شراب ترا العميده قايله اللي ماتلبس شراب ماتدخل الكليه !!
الحين انا جايه الكليه عشان اتعلم وادرس ولا عشان البس شراب ؟
بأي حق تمنعيني من حقي كطالبة علم عشان شراب ؟
بنت لابسه عباية (راس) واسعه بس انها بأكمام قالو لها ماتدخلين خليك برا الكليه ؟!
طيب انا الللي جابني راح ! ومامعي جوال اكلمهم لأنكم مانعينه ! اجلس بالشارع عشان نرضيكم ؟
( لو كنت لابسه عباية كتف اظنهم بيعلقوني من يديني عند الباب عبرة لمن يعتبر !!)
اتوقع ان هالامر فيه حريه !
انا جايه عشان ادرس ماجيت عشان تشوفون وش لبست ووش حطيت ..
مانقول خلونا على راحتنا وماعليكم من الدين لا !!
بس نقول بحدود .. ابسط حقوقنا ان يصير لنا شخصيه مب احد يجي يفرض عليك شي ويغصبك عليه !
خلاص انا انسانه عاقله وكبيره وفاهمه واعرف الصح من الغلط .. مالك اي حق تنتهكين خصوصيتي وتجبريني على شي مااقتنعت فيه ولا ابيه
(طبعا هالكلام مب في مسألة الشرابات في كل شي في هالكليه) !
مثلا فيه داعيه بتجي اليوم يجبرون كل البنات يدخلون ويسمعون ويقفلون الابواب ويسوون استنفار وتتوقف المحاضرات التدريسيه عشان هالمحاضره !
طيب انا مابي احضر !
هم يظنون انهم كذا يجبرونا على اننا نلتزم بالدين اللي هم معطين لأنفسهم الحق في وضع حدوده وضوابطه !
لكن والله انهم يكرهوننا فيهم وفي الشي اللي يبونا نسويه غصب !
بنت شعرها قصير ماسكينها ؟ ليش قصتك كذا !!
بنت شعرها طويل ومقصص ماسكينها ليش شعرها كذا ؟
بنت حاطه مناكير صفرا يقولون لها انتي بويه !!
بنت لابسه شراب بس انه قصير ماسكينها !
والعميده اللي كلما طقينا بابها بنكلمها قالو لنا مشغوله ماتقدر تكلمكم!! رأسا جايه تفتش على الشرابات !!
الحين فضيتي للشرابات ياعميدتنا الموقره ؟
امس الصباح البنات متزاحمين عند البوابه الرئيسيه للدخول وكلهم متجمعين عند الحارس ومسببين زحمه في الشارع ليه ؟
لأن كليتنا الاكاديميه يمشون البنات وحده وحده عشان يفتشون على الشراب !
ومب كذا وبس التفتيش يتم على ثلاث مراحل بقيادة عائشه الشهري وساره الدوسري والوكيله والسجانات (موظفات الامن)
طبعا استنفار كامل في الكليه بطاقمها الاداري عشان ايش ؟ عشان شراب !
طيب وين هالاستنفار يوم بغيناكم في حل لمشكلة احد الاستاذات ونسبة الرسوب عندها ؟
وينكم عن الحمامات اللي تصرع ؟
وينكم عن المقصف اللي ينهب ؟
وينكم عن الكراسي والطاولات اللي ماتكفينا ؟
هذا غير نشر السجانات يوميا في اروقة الكليه للتصيد للطالبات اللي اما تكون بلوزتها مب بيضا ولا سودا أو فيها كتابه انقليزيه او فيها خطين احمر او اصفر !!
سؤالي هنا ؟ وش فيها الكتابه الانقليزيه ؟
عشانها لغة كفار يعني ؟
طيب انتم عندكم يدرّس لغه انجليزيه ؟
ماادري وشلون يفكرون الصراحه!! :ah1:
طبعا اذا مسكو البنت المخالفه في اللبس وش يسوون لها ؟
يجمعون كل البنات ويحبسونهم في ارض خلاء ويغيبونهم يوم كامل بدون اكل ولا شرب
الا اذا رحموهم وجابو لهم اكل وقالو يالله اشترو !
طيب انا فلوسي مب معي في الشنطه اللي برا.. اللي ماجبتها معي في السجن !
اموت يعني ؟
ولا يجمعونهم يخلونهم يحضرون محاضره دينيه !
فاسقه انا يوم لبست بلوزه حمرا ولا خضرا الظاهر !
موقف آخر ..
مفتوح عندنا كشك يبيع اكسسوارات جوالات - لابتوبات (فيها كام) وماإلى ذلك
مع انه الى الآن ماسمحو لنا بالجوالات ابدا .. اتوقع انها الكليه الباقيه في السعوديه اللي ماسمحوا لنا فيها بالجوال
ومكتفين بكبينه ماتدق حتى على البيت لازم تشترين بطاقه وتمسكين سرا ورا البنات عشان تكلمين اهلك !!
المهم هو ان احد الطالبات راحت بتشتري سماعات للآيبود ..
وشافتها احد موظفات الامن وسألت اللي تبيع !
وش اللي معها ؟ قالت لها ايبود
الموظفه اتوقع انها ماتعرف شي اسمه ايبود وراحت للبنت تقولها يالله طلعي اللاب توب اللي معك !!!!
سوو للبنت سالفه وصارت مجرمه في انها جايبه آيبود للكليه معها !
طلعو لها تعهد جوال قالت هذا ايبود مب جوال !
قالو : وش يفرق الايبود عن الجوال ؟
هذي بحد ذاتها مشكله انك ماتفرقين بين الايبود والجوال وتحاسبين البنت على شي مايسوى !
يعني مدري هي كلية تربيه ولا وشي
انتم جالسين تدرسونا مواد تربويه عن كيفية التعامل مع الناس وكيف تنشئين جيل خالي من العقد !
وبنفس الوقت جالسين تدمرون نفسياتنا وتكرهونا فيكم وتعاملونا معاملة مجرمين ماسوو جريمه !!
طبعا الشكوى تطول وتطول لو بجلس احكي لكم عن المواقف ماراح اخلص ابد !
انا من هنا اناشد المسئولين انهم يشوفون حل لوضعنا المأساوي ..
لأنه لا يطاق ابدا !!
اتمنى ان احد يجي ويدخل الكليه فجأه يشوفها !
لأن طبعا المسؤولين لما يدخلون تكون الكليه عندها علم ويسكرون الاماكن الغير صالحه للاستخدام الادمي ويزبرقون المكان اللي بيدخلونه المسئولين !!
استغفال ونفاق .. حسبي الله وكفى !
اتمنى انه يصير معي جوال اوديه .. ابسط حقوقي اني اذا طلعت ادق على اخوي ولا ابوي اسأله وين واقف ولا بتتأخر ولا متى بتجي .. احسن من الوقفه في الشمس والانتظار !
اتمنى اني احس اني طالبه جامعيه لي شخصيتي ولي حريتي ..
اتمنى اني احصل فطور زي الناس بسعر معقول ومكان نظيف وخالي من التلوث اجلس فيه !
اتمنى ان العقول تتفتح شوي و نشوف اهتمام بالمواد التعليميه بالاستاذات اللي يخلونهم يدرسونا بطريقه غلط !! ويتركون عنهم الركض وراء صغائر الأمور من شرابات وقفازات ومخالفات اللبس !
تعبنا نكتب !
تعبنا نتكلم وكلن يسمع ويصد !!
لاحول ولا قوة الا بالله ..
اللهم اجرني في مصيبتي واخلف لي خيرا منها ,,
اللهم اجرني في مصيبتي واخلف لي خيرا منها ,,
يارب انتقم وجازي كل من ظلمنا سواء عميده اداريات سجانات ! ..
اللهم آمين اللهم آمين .


انقر هنا لقراءة الخبر من مصدره.