قولوا شهيد وراسكم رافعينه

بسم الله الرحمن الرحيم
السلام عليكم ورحمة الله وبركاته
هذه القصيدة مهداة لأسر الشهداء - بإذن الله - الذين قضوا نحبهم في سبيل الدفاع عن الدين ثم الوطن في الحدود الجنوبية , وهي بلسان شهيد يخاطب فيها والديه.
لسماع القصيدة اضغط هنا
قولوا شهيد وراسكم رافعينه
يابوي وأمي لاتخافو وتبكون=الموت باب وكلنا داخلينه
الدين ناداني ولبيت ممنون = نادت بلادي والعهد حافظينه
حنا جنود الدين والدين مصيون = نحمي وطنا من أذى طامعينه
والله مانرضى بذل(ن) ولاهون = لأجل الوطن كل العمر باذلينه
يبقى عزيز بدين ربي ومامون = واحنا فدا الدار وفدا ساكنينه
فإن فارقت روحي جسدها فتكفون = العذر منكم والعفو طالبينه
موتي فخر ماهو بحسرات مغبون = شهيد بإذن الله دفاع(ن) لدينه
ياحظ منهم بالشهاده يفوزون = فازو بجنه والرضا كاسبينه
الذنب مغفور(ن) ولاهو بمفتون = تاج الوقار اللي لهم لابسينه
يوم الفزع آمن ولاهو بمحزون = والحور في الجنه ترى راغبينه
سبعين من أهله عساهم ينالون = شفاعته من ضمنهم والدينه
إن جيتو أهلي لازم إنكم تهنون = قولو شهيد وراسكم رافعينه
كلمات أخوكم / مشبب بن عبدالله القحطاني (أسير الصمت)