متعب القلب

سلام ياللي متعب القلب فرقاه
من سبته دارت علي الدواير
تلوج بي رجلي أليا حل طرياه
وتارد على عيني كثير العباير
البعد جاله غصب ماهو بمشهاه
وبيني وبينه حايلاةٍ ستاير
موجود من بين المخاليق حلياه
لكن قلبي مايبي له خشاير
حاولت أنا في كل الاوقات لقياه
لكنها الحسيد والوقة جاير
هو الوحيد الطيف لا حان مسراه
يجيب في مسراه بعض البشاير
أضحك مع اللي مبتسم في محياه
وأحس بي كيٍ يحرق الضماير
أخفي أنا حزني عن الخلق وأدراه
أخاف من كلمة غشيمٍ وثاير
من شافني المجتمع قال هنياه
مايدري أن الجرح بالجوف غاير
تسج بي رجلي على الرجم وأرقاه
وأرجع لي بجيشٍ من الهم ساير