يشهد له التاريخ في كل ميدان

جاني خبر هيج على القلب الأحزان
وضيق على صدري رحيب المحاني
اكرر الكلمة ويا ضعف الإنسان
عييت أصدق لين دمعي غشاني
فهد عسى مثواك فردوس وجنان
وعساك في قبرك سعيد وهاني
الله يفتحلك من القبر بيبان
بيبان رحمه في هذيك الجناني
محبته ترجح على كل الأوزان
يشهد عليها كل قاصي وداني
يشهد له التاريخ في كل ميدان
يشهر ولا له في خصومه هواني
أعزي الإسلام في كل الأوطان
وأعزي اللي له في قلبه مكاني
وأخص عبدالله ذرى عز الأيمان
فيه العوض لا جار فينا الزماني
ولا هان سلطان السلاطين لا هان
والله يمده بالفرج والعواني
يالله أنا طالبك يارب الإحسان
ترحم مليك حط فينا الأماني
وصلوا على اللي بين الدين تبيان
عداد ما تدرج سهوم الثواني
عبدالله محيسن الحمياني