طلة قمر

سلام ياشخصٍٍ من الناس احبه
وزودٍٍ على حبه عن الناس انا اغليه
اقسم قسم بالله ربي وربه
لترسي سفينة حبنا في موانيه
شخصٍٍ ليا مني ذكرته بأشبه
طلة قمر حوله نجومٍٍ تراعيه
وكن العسل من اطراف ريقه تصبه
فيه الحلا خلقه وربي محليه
وعينٍٍ بها المجروح سقمه وطبه
على وتر حساس تاخذ وتعطيه
اغلط بغيره كل ماجيت انبه
كم واحدٍٍ باسم اريش العين اناديه
منها بدى صيفي ونسنس مهبه
وفيها شتاء قلبي وقسوة لياليه
يا بخت من زين الوصايف تحبه
وعينٍٍ ليامن سلهمتله تحييه
تاج الجمال الله ربي وربه
من سبته قمت امسك الدرب واخطيه
نشمي بن مقعد