سر البدر.. !!

يسعد صباح الشمس .. مع طلعة الشرق
شمسٍ صباها نور طلعت جبينك
بينك وبين الشمس .. في طلّتك فرق
فرقٍ حماره .. فارقٍ شفتينك
في طلتك بدر الدجاء يحترق حرق
وأكيد سر البدر .. بينه وبينك
وأنا طرقت الطرق لجل الغلا طرق
في روعة أسمك .. بس لله (....)
أيوه ياللي تسرق ليالها سرق
وأسرق ليالك في رجاوى حنينك
تبرق وترعد .. والرعد يعقب البرق
حتى غدت أرض السماء كفتينك
ولون الزراق اللي صفاء بالسماء زرق
ما يشبه إلا ّ.. دمع عيني وعينك
جريت صوتٍ جاوبه نايح الورق
وصحيت جرح ٍلوعته من دفينك
رمح المواجع فالحشاء زارقه زرق
والقلب حاديه الدرك من سنينك
طال الغياب اللي درق غافله درق
لاحل طيف الفكر ناداك وينك؟
تعال بيتك فالصدر سلمه وأرق
وأجمع شتات آخر بقايا رهينك
وأشعل قناديلي من الغرب للشرق
نور الفرح من نور طلت جبينك