نعلن لك البيعة ونعلن غلانا

يا سيدي لله نعلن ولانا
ثم لسموكم في جميع المجالات
نعلن لك البيعه ونعلن غلانا
ينطق بها الحيين في درب الاموات
ماخان في دينه وداره حدانا
الا يخون طويق والا السراوات
هذي شواهدها عيانا بيانا
ما مر بالشبهات هالاسم بالذات
الارض اراضينا وفوقه سمانا
وانا نحفظ العهد في كل الاوقات
نرخص لها وقت اللوازم دمانا
لا قيل وين اللي يحفظ الامانات
عساك دايم سيدي فالمكانا
من جاك عنده ضايقه جت سلامات
اسمك كتب فيه القلم واللسانا
وتشهد على فعله شعوب وحكومات
خمسين عام من العطاء ماتوانا
بين العداله والامن والثقافات
والحمد لله مملكتنا بامانا
نعيش في نعمه وخير ومسرّات
بقيادة اللي فوق يرفع لوانا
خادم بيوت الله سليل الزعامات
تطورت فيه البلد والكيانا
وسارت بعصر العولمه والحضارات
وفي عالي المنبر رفعنا الاذانا
ولا نخلي فرض خمس الصلوات
ربي على درب المحجه هدانا
وصرنا يداً وحده بوجه العصابات
واليوم فاللي راح يجبر عزانا
وجودكم فالعهد والعهد مامات
حضرت ابارك يوم ذيع البيانا
واجب علي أرد بعض الجميلات
محمد بن فهيد القريني