يكفي عنادك ويكفي مني عنادي

وشوله اسرح بوادي وانت في وادي
والكل منا عزيز ويكره الذله
هذا طريق السعاده والله الهادي
مافيه داعي نضيع ودربنا ندله
ادري تبيني اجيك وماتبي تنادي
مثل وانا اضحك ودمعي دايم اهله
المشكله اني شرابك وانت لي زادي
بس البلاء انا نعقد حبال منحله
يكفي عنادك ويكفي مني عنادي
اوضاعنا سبة الانكار مختله
اترك كلام التحدي منهو البادي
الكل منا على الثاني يبي الزله
توجعني وتقول بعدك ثالث اعيادي
واكمام ثوبك من الهجران مبتله
نكذب نكابر نقول ان الوضع عادي
ادري وتدري وكلٍ ميت بخله
انا ادري انك بدوني تايه وغادي
وانا بدونك حزين وعلتي عله
اعرف بلادك ومثلي تعرف بلادي
مافيه داعي نضيع ودربنا ندله
محمد الشمري