أشهد أن العيد من دون شوفه عادي

عاد عيد اللي بشوفه تزين اعيادي
يوم عايدني ووفّى بكل وعوده
انفتنت بطلّته والثياب جدادي
والحلا والزين عدّى جميع حدوده
مع غرامه يشهد الله بدا ميلادي
وصرت عاشق شوف خله يزيد سعوده
واشهد ان العيد من دون شوفه عادي
جعل عيدٍ زارني في ضحاه يعوده
ان رحل قضّيت عمري وانا نشّادي
وان بقى جنبي لقيت الفرح بوجوده
يسكن بعيني ويسكن بوسط فوادي
ما نقص حبه وانا من غلاه ازوده
يالله ان تاقاه من نظرة الحسادي
والعواذل بالحكا ماتعكّر موده
وجعل عيده كل عامٍ معي ينعادي
دام هو وافي ووفّى بكل عهوده