فرحة عيد

كل الغلا .. كل التهاني .. والافراح
ليلة عياد .. وعيد .. ومعايديّه
برق الخيال اللي على المملكة لاح
تمطر هماليله علومٍ طريّه
سحابةٍ في عرضها العيد وضّاح
تضحك له وجيه الرجال الوفيّه
يومٍ جديد ودوب ما بان وانباح
نوره زغاريد النفوس البريّه
ضحكة صغيراً لاقبل العيد شواح
عيده سلام .. وفرحته سرمديّه
بين البشر والله لا جا .. ولا راح
حسن .. ودلال .. وطيب نفس ابدويه
عيد .. وعياد وخافق الشوق لمّاح
على معايد قيس للعامريّه
وصبحٍ يسوقه للمعاييد مسراح
وناسٍ تعايد باللحون العذيّه
أنا أشهد إن العيد للهم نزّاح
مادام فيه قلوب ناسٍ صفيّه
الله يعيده للعروبه بالأرباح
على أمّة المبعوث خير البريّه