عواكيس

* بشر أخي معوكس عسى عزيز رجع للتدريبات وترك عنه الغيابات؟
سعيد الدوسري- الوادي
- عزيز وغالي راح للاهلي المصري!!
* الاستاذ معوكس سأقدم عن طريقك عرض للهليل لتدريب فريقنا وراح نمنحه الصلاحيات كاملة وما نغير بالتشكيلة؟
عمر السويلم- تبوك
- الهليل مشغول بعرض البرشا !!
* العزيز جدا معوكس نؤكد رفضنا لتأجيل جمعية الاتحاد، ونريد معرفة اسم الرئيس الجديد بأسرع وقت؟
خالد الغامدي - جدة
- اكيد جديد واللي يفحط يبي الرجعة لا يتعب نفسه!!
*الدكتور معوكس ما هي نصيحتك لرئيس نادينا الذي نريده يتيح الفرصة لغيره وماهو راضي؟
سعود الخمعلي- الرياض
-راضي ولاالدعيع؟
* المثقف وصاحب الهوايات المتعددة معوكس لماذا لا تنتقل الى صحيفة اخرى ترانا في عصر الاحتراف، والا خائف تروح ولاترجع؟
خالد العتيبي- الدوادمي
-عصر ولاعصير كوكتيل غير الرياض ماأوقع على بياض!!
* ما الذي تتوقع يامعوكس ان يحدث بعد تجديد الهلال لعقد رادوي؟
عبدالله المحمدي- الطائف
-الاسعاف في العريجا الغربيه كنه خط البلده رايح جاي!!
* صاحب الابتسامة والفرفشة معوكس هل انت مع ام ضد عودة بعض الاداريين السابقين الى العمل بالاندية؟
هادي الحميدي- عرعر
-والله يابعضهم كنه طرار حفلات وتكريم والنتيجة بتقلب عليه!!
* العزيز ابو العواكيس هل تتوقع استمرار مدرب الاتحاد اوليفيرا.. ولماذا رفض محمد نور يرتدي القناع؟
عبدالرحمن عسيري- ابها
-ياحليلك عفشه في المطار بأمر أبوقناع!!
* هل لديك تفسير يامعوكس للهجوم الذي يتعرض له سلمان القريني من بعض اللاعبين المعتزلين؟
مقبول الدوسري- الافلاج
-التفسير عند مفسر الاحلام!!
* الاخ معوكس انتبه لايسجل عليك صياد تراك مستهدف ويمكن تروح فيها؟
خالد الربيعي- شرروة
-أقول أمزح وهذي نهاية الصحبه وأطلع منها!!
* بعد حي معوكس صديقي يبي يحول من نصراوي لهلالي ويسأل وش يسوي علشان يقلب هلالي 100 بالمائة ؟!
صديقك أبوحمد - حايل
-الهلال فل يميل على الشباب عنده مقاعد فاضيه!!
* عزيزي معوكس تصدق يالغالي ابي اقيم وليمه عباره عن حاشي ونعيمي بمناسبة دخول فريقي ضمن الاربعة بدوري زين؟
اخوك صحن قايم العنزي
-الحواشي كلها لابونياق حاجزها في الحوش ينتظر دوري الاربعة الآسيوي!!
* ماهو تفسيرك ياستاذ معوكس لركوب محمد السهلاوي مع لاعبي الاتفاق في حافلتهم
فهد الخالدي- الدمام
-أحسن له من اللوميزين!!
* فاكهة الاسبوع معوكس بعد تحويل الاهلي الى هيئة كروية هل تتوقع عودته الى عالم البطولات؟
- ايمن ابو قميص- جدة
-تحويل ولا كاش البطولات تبي شغل في الملعب!!
* الغالي معوكس هل تؤيد القول ان تركيز الوحداويين على نهائي الكأس وضعهم في خطر الهبوط الى الاولى؟
عدنان ابو علي - مكة المكرمة
-الضحكة تركيزهم مثل تركيز حارس نجران كلهم كلوها خماسيه أجل لو ماركزوا صارت عشره!!
* وش رايك نلبس شعار يجمع الهلال والنصر ونحضر به مباراتهم المقبلة لكي ننبذ التعصب الرياضي؟
اخوك المشجع النصراوي الوفي لافي صالح العنزي
-وين تنبذ التعصب وخط الفتنه شغال عليه!!
*الأخ معوكس هل ترى ان الرياضة ثقافة وإن كانت كذالك فكيف نتعامل معها ؟ في نظرك هل الرياضه تجمع ام تفرق ؟ ولماذا ؟
صديقك معاذالحميد مرات
-اكيد تجمع لكن وين اللي يفهمها وسط هالقنوات والمحللين قصدي المشجعين الحصريين!!
*الحبيب أبو العواكيس تحيه وبعد: أنت ماتدري أني كنت راس حربه في الصحاري وصديقي أبو عبيد صانع لعب بس راحت علينا في زمن الاحتراف
صديقك-حمد الدوسري -أبومبارك -العزيزيه
-أدري وأنها ماراحت عليكم وأنتقلتوا للسد بنعجان مقابل خمسة مليون يورو لكن ماكان عندهم كاش وعوضوها بطماطم وعبري ومعمول والتوقيع في المشتل وغطته قناة نعجان سبورت الفضائيه!!
*قاهرهم وحابس دمهم معوكس تحيه وبعد: يقول مدير المركز الاعلامي أنه كان يدرس هندسة طيران ماتعليقك؟
عبدالملك المرشد-عرقه الغربيه
-أي ابو هندسة طيران ولاحتى طيران شراعي لوانه صدق كان طاحت الطيارات كلها والكباتنه ماغير ايقاف وغرامات!!