الثقة كنز الثقات

البارحه يوم الاوادم بالمضاجع راقدين
انا الوحيد الي مع التفكير في وده وهات
مضيتلي ساعه وساعه يامعين الله يعين
في ساحه التفكير واستعرضت فلم الذكريات
شفت المواقيف الطريفة في سنع ذيك السنين
اللي لها رنت صدى لو كانت افكاري شتات
بس المهم الحق ياهل العرف سلطان مبين
واجهت نفسي بالحقيقة وانتهى اللي فات مات
باقي على الموضوع كلمه والخبر دونه كمين
الأوله والثانية ما هنب بالواقع خوات
راس الجبل عدا عليه الذيب والا ابا الحصين
الفرق شاسع والمنادي يوم نادى للصلاة
بسم الله الرحمن ابدا من يسار ومن يمين
ومحلل الابيات به فطنه ودل من القطاة
اليامشى والياسرى واعي وله فكر فطين
يكشف مضامين المعاني وآفة الشعر الرواة
في حال والا حال تاجله وله حصن حصين
تحيي مجاله واليالي مقفيات ومقبلات
والشعر له شعار تبرز كل وقت وكل حين
والكتب في راس القلم والنحت في قلب الحصاة
وآخر خبر كد قالو ان الحزن في وجه الحزين
تطلع تقاسيمه ولاكن الثقة كنز الثقات
الشعر الى مالامس اشعور الرجال العارفين
مهما يكون الامر ماله لا حلاة ولا طراة