ليلة البدر

شفت الفضا في ليلة البدر باحساس
نوره كسا فوضى المدن باحترافي
أَضْرب مثل آخر ولا باس ...لاباس
خذ لك نفس ثم ازفره في الفيافي
قلّي شعورك من بعد جو محتاس
أوصف مبادئ لحظتك والخوافي
الليل سر واعظم السر بالناس
بعيونهم تكمن حكايا .....المنافي
ارحل بعيد.....ولاخر الشي مقياس
عيش القناعه حتى لو متّ حافي
مادام روحك تَتَحلّى بالاحساس
يكفيك منها أعذب شعور لافي
تصوّر انك لو تلمّه بالانفاس
الليل والقمرا..كما ورد صافي
يمم خطايا عثرتك وانبذ الباس
فضّ الجفا وارسم خيال المرافي
في ملمحك..في مبسمك.. فيك بالساس
شكّل سجايا موطنك ..حب دافي
لملم تفاصيل الغلا...شتت الياس
ضيّع طريق الحزن..لاتعيش طافي
عمرك مجرد انتماءات واقواس
مهّد وصولك للنهايات ...وافي
ساره العتيق