اللي يحب الخزامى ألفين ترحيب ** تميزت بالقلم.. والفكر.. والريشه

صوت الصورة

ياللي تبي بالنوم رزقك يجيلك
شف هالغريب اللي على الرزق يتعب
راع الكسل غلطان كانه دليلك
اللي ذلوله بأكبر الكذب يشعب
فهد بن عقيل الطويان - بريدة
جاك المبلط ماخذٍ خمس دبات
يبي يبدلهن من أدنى بقاله
بحيٍ جديد يشيدونه عمارات
مافيه غير أهل الفلل والعماله
سعود بن عبدالعزيز الهزاع - نعام
اللي يحب الخزامى ألفين ترحيب
تميزت بالقلم.. والفكر.. والريشه
اشوف لي وافداً دف الانابيب
ماحدّه القيص دام السعي به عيشه
سعود عائش الحربي - جدة
أربع جراكل شالهن كومار
يا سعد من كومار يرويله
كومار ليتك لنا جار
عز الله أنك فالحواري دليله
عبدالله سعود المطيري
دف العربيه واعرف الوضع تيسير
اربع جراكل وسطها يا الافغاني
عارف بان الوضع ما فيه تقدير
الله قسملك رزق في وضع عاني
ناصر سعد الأسعدي - ارطاوي الرقاص
الصيف حد الباكستاني
يحمل الماء بعربيه
يا كثر ما يشيل ويعاني
فقراً.. وغربه.. وعزوبيه
فهد راكان المطيري - عنيزة
خذ حقك من الماء وعب التوانيك
الصيف شدد والمشارب كثيره
من رحمت المعبود فينا وبعد فيك
صوب الديار يسوق سحبٍ مطيره
عبدالكريم النغيمشي - الربيعية
لايبس ريقك واللواهيب تحتر
وصار الظما بالمعاليق ماضي
تقبل وتقفي بالمعاميل تفتر
يم الربع رديت والجيك فاضي
سعد الحماد
الحر كايد والعطش يغلب الجوع
والعامل المسكين مهدود حيله
يا خوفي إن الماء عن الحي مقطوع
واحتد على القوارير يا عزتي له
خالد بن ناصر المخيمر - روضة سدير
من الضما عجل بدف الجراكل
ماينتظر موتر يجيه ويشيلة
عمال وسط الحر صاروا هياكل
حده على شغل القوايل كفيلة
احمد نايف العصيمي – الرياض
كلٍ على قدّه يسوي خدمات
خدمه على التوصيل ويدور المال
يمشي طريقه ما تهمه مسافات
وان زاد حمله ما تعذر ولا قال
حمد عبدالله الوايلي - حوطة سدير
يا مصوراً حالي بوسط الحواري
الحر وافي والعرق هد حيله
هذي حياة العبد ولها طواري
مراً بها يظمى .. ومراً سهيله
راكان العتيبي - رماح
نستقبل مشاركاتكم الشعرية حتى مساء الاثنين
على الايميل الخاص بصفحة الخزامى:
RB-khozama@alriyadh.com
أو الفاكس رقم: 4871070 زاوية (صوت الصورة)
ونرحب بالصور الهادفة والطريفة .. ويا هلا
صورة العدد تصوير الزميل ابراهيم الجبر