فرحت الناس بشفاه

سلام يا اللي فرحت الناس بشفاه
والحمد لله يوم لرضه يعودي
سلام يا للي تفعل الجود يمناه
راع الكرم والطيب نفسه تجودي
الجود مثل الظلع واعسر مرقاه
وانتم طلعتم فوق ظلعه قعودي
ضلع وعرما كل رجلاً تعلاه
صعباً على اللي يحفظون النقودي
سلام يا للي كل عداً وردماه
والياء ورد الماء يهزم الأسودي
أقولها السلطان قصدي ومعناه
حراً إلى نخيت بسمه يزودي
هذا أبو خالد يا عرب لا عدمناه
اللي رقاء فوق الوعر والسنودي
بيته كما عدداً تنقه ضماياه
تجيه من فج المقارح ورودي
يا الله ياللي صامت الناس لرضاه
تحفظ لنا سلطان وآل السعودي
تحفظ كريم النفس والخلاق محلاه
تحفظ لنا اللي الضعايف ينودي
ابن الملك اللي مع الكون طرياه
عبدالعزيز اللي لشعبه ودودي
الفارس اللي دين الإسلام مبداه
خلف لنا اللي ينطحون الجرودي
أنتم هلا الطالات والفعل والجاه
أقولها والناس ليه شهودي
سلطان قاد الجيش في كل معناه
تحت أمر أبو متعب يصد الفسودي
عبدالله اللي كل الإسلام تتلاه
عساه دايم يا عرب بالوجودي
الجيش يا سلطان كل من أقصاه
يفرح ابشوفك يا عريب الجودي
يفرح أبشوفك يوم تامر وتنهاه
ضباط مع ضباط صف وجنودي
جيش البلاد اللي من الخير معطاه
من فضل ربي ثم فضل السعودي
جيشاً مسلح دين الإسلام ممشاه
ناره على رأس المعادي وقودي
درع الوطن الجيش الشعب مذراه
الجيش حامي للوطن والحدودي
الجيش عز وقايد الجيش يرعاه
اللي مسلح للخطر واللدودي
تمت بذكر مسير العبد بخطاه
العالم العلام غيب السدودي
عبيدالله دخيل الله البلوي