حزم الظامي

حتيش يالضميان ما تشرح البال
حزم ملوك من الفحم والقصادير
انا هواي ومنوة القلب يا عيال
لاقالو الصمان جايه شخاتير
ياما حلى عقب العشى ذبة الجال
واشوف بالدربيل صفر المغاتير
والبيت يبنى فاسفل الجو نزال
والضو شبت ما يولع فناتير
سيله مثل قبل امس والبارحه سال
من فضل ربي جاه خير بعد خير
نبته جديد ولا وطى فيه جوال
شوفه على ما قال يركع له الطير
جوه لطيف ولا نبي فيه مقيال
ربي يضله بالمزون المزابير
انا اشهد انه فالمرابيع مدهال
للفاطر اللي تلتفت للمصايير
فلاح بن جفين