عواكيس

@ أخ معوكس: الدوري بدأ وأنت في إجازة شغب جماهيري وأهداف غير نظيفة قصدي غير أخلاقية، وعقود دعاية بمئات الملايين.
سفير الحلة - الخبراء
- أنا كنت مستأنس في المنصة
@ معكوسي قلبووو وش رايك ما يحطون اندية للبنات مثل باقي الأندية السعودية بس للبنات والله ان تشوف نادي النصر "دايم بطولات لعبهم مرررره يجنن وهم احلا من لعبهم (طبعاً انا وحده من ضمنهم) اسألني انا قد لعبت معهم في المدرسة (أقطع ابو الفله بس).
(سوسو النصراوية)
- انا من اشد المعارضين ويكفيكم التشجيع
@ وش رايك بسام 6في منصبه؟ أنا رأيي أنه مبدع.
المرسل: عاشق سام
6- يا زينه في الملعب بدل من وطي الكور الحالي
@ صديقي الرائع معوكس: بالرغم من تمتع الكثير من الموظفين بالاجازة - الا انك تكافح وتضحي براحتك وتحرم نفسك من الاجازة التي من حقك - ترى ماهو السبب هل هو جمهورك او انك مفلس لا تملك حق السياحة مثل الآخرين - نسافر مع بعض ونوفر ما رأيك؟!
صديقك الدايم - معاذ الحميد - مرات
- موافق نسافر مع بعض بشرط تذاكر "الباص" علي والتكاليف عليك
@ ههه معكوس حرام عليك! ما أبي أسأل أنا أقصد دافع عن البنات قدام ابو حنك - بس والله اعجبني ردك على أخوي مشعل الحبيب، يعني إحنا إذا بنات ما لنا غير المطبخ والشباب براحتهم خوش والله!.
أعقل - مجنونة "عكوس غيرت عشانك"
- أقول تصلحين "نادلة" في بيتكم حلوة نادلة
@ صديق خوياي معوكس تصدق انك تشبه الفنان الشعبي عزازي وبعدين ابي اسألك هل صحيح انه معك حزام اسود بالكيرم؟ وشكراً.
ابو طلحة - صديق نواف فريح
- انا اعرف "فريح" عشان أعرف أبو طلحة
@ الأستاذ المحترم ابو العواكيس وش آخر اخبار النجم الخلوق مصطفى ادريس ابو الغضاريف وعلى فكره شنبك اصلي.
-- قطع غيار ما صار شنب وتراك ما كتبت اسمك مروعك الشنب
@ بابا معكوس يا قلبي فهمتني غلط ادري ان هم ابناء وطن واحد ويمثلون وطن واحد وكلهم على عيني بس حتى ولو المفروض يعادلون بين اللاعبين في المنتخب ولا على الأقل يخلون "راؤل العرب" يلعب اساسي مع المنتخب صح والا لا.
عاشقة العالمي
- منى عيني القى وحدة اسمها "عاشقة المطبخ" أو مدمنة مطازيز
@ السلام عليكم اخوي معكوس ودي أسألك وش رايك بصفقات الاهلي المحلية والاجنبية ما تشوف انها نار والفريق بيولع هذه السنة بيصير عكس الموسم الماضي. وخاصة في خط الهجوم جابوا - قودين - والخراشي - والراهب.
عاشق القلعة - محمد الشيخي
- وتسجيلهم كان في "المطافي" بدل لجنة الاحتراف
@ مرحبا معوكس يقولون ما يشجع الزعيم إلا الشخص الوسيم فهل انت شخص جميل ووسيم؟
انا اشوف فيك الوسامة والا وش رايك؟
الهلالية - ريم الخراشي
- يا الله مع أني كل يوم أشين نفسي
@ ابو العواكيس كل يوم وانت بخير وش أخبار الأزيرق السعودي صاحب البطولات بكل نزاهه وآخر بطولة بطولة الدوري امام الاتحاد.
المرسل - ابو سلطان مشجع النصر في كل زمان
- تم تحويل السؤال للجنة الانضباط
@ العم معوكس كل مالك تحلو وزين وتتشبب الصراحة جلست أدقق في صورتك قمت وسويت مقارنة بصورتك قبل 51سنة لقيت فيه فرق ووصلت لنتيجة وحدة انك طايح بعمليات التجميل نريد التوضيح
ابو سعود
- إلا مسوي "زواج مسيار" وأم العيال آخر من يعلم وطايح في "الانتدابات"
@ هلا وغلا بأخ معكوس، بسألك ليش بصفحات جريدتكم المحترمة ناسين اللاعب هنري.
عاشق هنري - الرياض
- باحلين باللي عندنا
@ معكوس مطرب النفوس تحية عطرة وبعد بما أنك رئيس نادي إنتر معكوس فبصراحة لو طلب منك ترشيح نائب لك فمن ستختار لهذا المنصب الهام لينال شرف العمل في ظل إدارتكم الموقرة،، بدون كور لافة تكفى.
اخوك عبدالله سالم الحربين - بيشة
- ولد عمك عيسى الحربين
@ اخ معكوس ما رأيك في الرائد الموسم الحالي.
وليد الصقعبي - بريدة "رايداوي من يوم ميلادي"
- يستاهل المشاركة في بطولة اندية العالم مع التعاون
@ اخوي معكوس تعرف تسوق بالرمل بالبر تطعيس وخلافة انا غرزت لحالي بالبر قبل كم يوم ما أعرف.
"ريان صالح الحميد"
- أكيد مغرز على "رجولك"
@ اخ معكوس اذا ممكن تجاوب سؤالين وش وضعك في حياتك الشخصية؟ وش رايك باللاعب شفشينكو تشوف انه يستاهل هالملايين؟
"تحياتي ال ال - فلوريدا"
- فلوريدا والإيميل من الزلفي
@ سلام يا منعكس سؤالي هو عقالك من وين شاريه وراسك من فوق ناطل يسار ليه؟
"صقيقك فارس"
- صقيقك هذا تأثير مسلسلات رمضان الهابطة
@ إن كان حبك عسل مخلوط بالقشطة لا تلوم قلب شرى بريال (صامولي) اهديك هذا البيت عكوسي.
(طايح من السطح)
- طايح على "سطل" عسل وإلا قشطة يابو ريال