الاسبوع الماضي كان بيت الأسبوع من طرح الشاعر محمد الخنيفر من أشيقر حول موضوع غلاء الأسعار والذي يقول: أسعارنا صارت دبل واصبحت نار والكل يشكي من جميع المحلات وقد كان صدى البيت أكثر من رائع من الشعراء: اسبابها التجار في كل ما صار اللّي شرو بريال باعُوه بمءيات وحريمها واعيالها صغار واكبار ماحسبوا للزود لجل الدعايات لو قاطعوا مازاد بأطماع تجار عن الجشع عادوا يشيلون رايات فهد بن عقيل الطويان بريدة واللي يبيعون السلع صاروا أحرار ما ينتهون الا بفرض الغرامات ترى الجشع يجلب لنا اذنوب واوزار باسبابها تنزل علينا العقوبات الواجب انا نترك الزود والحار ونعمل حلولٍ للمشاكل سريعات علي رشيد الرشيد رياض الخبراء يا ناشد عني وعن زود الأسعار أنا التجارة لا بغيتوا وزارات الشعب قاطع للبن وين ما صار والبعض منا ينتظرها قرارات لا بد من وقفة وزارة وتجار ما دام راعي الحل والربط ما مات مبروك بن خميس الهمامي نجران بيت وصدى ركن (ن) لنا فيه جولات بيتك حكر وأنا بيوتي بمحكار لو انت كاتب بيت يحتاجله ابيات وصدق أشوف ان أسعارنا زايدة نار لا راتب يكفي ولا به علاوات عبدالكريم المفلوج الكيرعاني الرياض شبج غلا فاحش معا جدب الأمطار كله سبايب نفس تذنب وسيات تجارنا شاكوش والفرد مسمار هيهات يا تجارنا اليوم هيهات والعين لدت صوب وافين الاشبار عيال ابو تركي زبون المهمات رايد بن هتلان الكيرعاني الرياض الصوت يبغى العلم عن رفع الأسعار مير الصدى رده على الصوت بسكات وش صار ياهل العرف تكفون وش صار ما عاد للتخفيض ذا اليوم لوحات الله يستر لا يجي باكر اخبار انه يباع الماء بعشرة ريالات عبدالله بن شمسان البدراني الرياض كلن على كيفه يحدد الأسعار لا رادع يردع جشع ذا المحلات لا رحت ابشري لي لوازيم وخضار عودت مع دربي ولا جبت مقضات أم العيال تقول ويش الذي صار صارت تشابه جيتك مثل روحات سعود بن سعد الحافي الرياض إذا ارتفع صنف يجاريه تجار يقول جيزي جيز من ربح ميات يسرح ويمرح ليبغي رفع الأسعار وامن من انذار يجي والعقوبات القسط يخصم من المرتب والايجار وإذا تبقى طفسةٍ للبقالات سعود بن عبدالعزيز الهزاع نعام فيروس الأسهم ثم فيروس للأسعار عله وراء عله مع الجمع علات الربح فوق النصف يا ناس ما صار!! تحت الحزام علمي ما فيه ركلات عزي لضعيف حاله في وضع الأدبار يا أهل الحلول استعجلوا قبل الآفات راشد سعيد المعيلي الخرج بيت الأسبوع تجاوباً مع الكثير والكثير من الارسالات الفاكسية والايميلية التي تطالب باعادة موضوع بيت الاسبوع الماضي فإننا نستجيب لهم بطرح بيت آخر لشاعر آخر حول موضوع غلاء الأسعار والبيت من طرح الشاعر حمد عبدالله الوايلي من حوطة سدير ويقول: مؤشر الأسعار من زود في زود الدخل ثابت والرقابه ضعيفه نستقبل صدى البيت بثلاثة أبيات فقط على الفاكس 4871070أو الايميل: [email protected] صفحة خزامى الصحارى - زاوية بيت وصدى موضوع مقترح لبيت الاسبوع القادم بعث للصفحة الأخ ماجد مطر الشمري من الجبيل مقترحاً لموضوع بيت الاسبوع القادم وهو الحذر من مخاطر اجازة الطلاب القادمة ومحاولة الاستفادة منها.
