الحل عمرة ما يجي عندي خلاف

كتب لغز الاسبوع الماضي للصفحة الشاعر نواف هايف الجبرين من الرياض والذي يقول :
ياويش بنت شافها آلاف وآلاف
رغم المهابه كل مسلم نظرها
خلانها تاقف لهم خوش ميقاف
واللي مجافيها يلاقي حسرها
اول وثاني حرف للشخص ميلاف
وان زدت ثالث حرف نفس وقدرها
وآخر ثلاث حروف معكوسه اتلاف
مايذكر احد ن ياجماعه غمرها
وللاسف لم يصب الرمعة من الشعراء سوى شاعرين فقط :
سلام يا نواف ونطبق القاف
واثني تحية للخزامى جهرها
الحل عمرة ما يجي عندي خلاف
الله يقبل كل منهو قدرها
علي الرشيد - رياض الخبراء
اللغز حلِّه خِذه ياخوي نواف
( عمره) كبيرٍ أجر مسلم قِدَرها
في صفحة تاجد بها كِل إتحاف
بكل القوافي والمعاني شهرها
سعود عائش الحربي- جده
لغز الاسبوع
كتب لغز الاسبوع الشاعر علي مونس الجدي من الرياض ويقول :
انشدك عن بنت يحبونها الناس
موجودة حتى يقوم الحسابي
لاحتجتها ترسل لها كل عساس
هذاك حصلها وهذاك خابي
اول وثاني حرف بالعين مقياس
وان زدت ثالث حرف حد الهضابي
ورابع مع الثالث مع الثاني ايّاس
خلّا المرام وخاطره منه طابي
نستقبل الحلول خلال «ثلاثة أيام» من نشر اللغز على إيميل الصفحة:
rb-khozama@alriyadh.com