من يحل اللغز لازم ينبسط القصيم الحل كان انك نبيه

كتب لغز الأسبوع الماضي الشاعر صالح البشري من الفويلق والذي يقول:
ويش رجل ساكن الدار الوسط
زايد خيره ويعطي من يجيه
اول حروفه يجي فوقه نقط
غير الالف ولام يالحر النبيه
واخره ياويل من جوفه سقط
له بنات وكل بنت تحتويه
ومع إعادة اللغز أسبوعا آخر فقد توصل للحل من الشعراء كل من
صالح البشري سؤالك منضبط
كامل امكمل لا نقص فيه
حله لقيته في كلام منبسط
هو القصيم وكلنا له نحتويه
علي الرشيد - رياض الخبراء
القلب يا صالح مِن الغطو انبِسَط
ولك رمعتي يالله عسى نوفق فيه
هذا القصيم اللي بالخير ارتِبَط
دار بوسط المملكة ما لها شبيه
ويالله يامن للوطا انشا 000او بسط
عِز الوطن وانعم بافضالك عليه
سعود عائش الحربي - جدة
من يحل اللغز لازم ينبسط
القصيم الحل كان انك نبيه
سعود هجاج البشري - رياض الخبراء
قال منهو بالخزامى مرتبط
لغز صالح بالخزامى للنبيه
القصيم الحل قولي منبسط
جبت حل اللغز للي يبتليه
طلال فهد الرشيد - الرياض
لغز الاسبوع
كتبه للصفحة الشاعر محمد البشري من رياض الخبراء والذي يقول:
انشدك عن عودن كبيرن وونان
ياخذ بنات احرار شيوخ وسلاطين
البنت ياخذها بلا عقد وقران
وبنتن يخليها على الستر والزين
له طلعتن مع طلعت النور لابان
وله غيبتن تفرحبها البنت يومين
نستقبل الحلول خلال «ثلاثة أيام» من نشر اللغز على إيميل الصفحة:
rb-khozama@alriyadh.com