الحال حال وكلف الحط والشيل يالله بغيثٍ فيه برقه ينيره

علامة الفوز يرفعها في يوم الشديد
متوكل على الله وراجي مدّته
على ظهر الوايت راجد شبوك الحديد
الله يعينه على ظروفه اللي حدته
لا صار بارض خلا والنابت فيها زهيد
ما له غير التنقل بين الفيافي بعدته
هني من يحط الغنم والبل له رصيد
يكسب نواميس ربعه وتزيد مودته
خالد ناصر المخيمر - روضة سدير
اكرب احبالك جود العفش بالحيل
واشر لهم كود المسافه قصيره
شدو على الوايت وقبله على الخيل
وسط الصحاري ما مشو يم ديره
والحال حال وكلف الحط والشيل
ويالله بغيثٍ فيه برقه ينيره
يسقي ديار مشفية ودها السيل
حمد عبدالله الوايلي - حوطة سدير
راع امغنم لاشاف برقٍ وجا امسيل
هدّ امشبوك و شدّها فوق وايت
ودّه يدوّر لمراعي ولِمْغيل
من جود ربي يقترب كل فايت
يا ليت لي في البر وبْله معَ خيل
واسرح بها من الصبح والليل بايت
محمد عبدالله الشهري - جدة
أعشق البر وأحب البداوه
رمز التراث ورمز أهل المروات
فيها السعاده فيها طيب وحلاوه
مها يطول الوقت مها الحضارات
سطام المسردي – الرياض
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق