يا بن حجي دوك للمنشور حله والتصدق لو بتمره كل ساع

كان لغز الأسبوع الماضي للشاعر خالد الحجي من الرياض والذي يقول:
وش بنيه بيد وحده بس تشله
وكل محصول ليا كمل يباع
والعجب النصف يكفي ما هو كله
لك ذراء واقي حقيقي بقتناع
هي ذراء المسكين يوم ندور ظله
لغزي واضح ولو ازود ماله داع
وللأسف لم يتوصل للرمعة الصحيحة سوى:
مرحبا لك يا خوي ما نمله
قم دور لك على ناس جياع
قم تصدق وادفع الموجود كله
استظل في ظلها يوم الوداع
محمد بن عبدالرحمن أبو دحيم - البدائع
يا بن حجي دوك للمنشور حله
والتصدق لو بتمره كل ساع
ما يضيع الأجر عند الله لله
وكأنها ماهيب له فالأجر ضاع
علي الرشيد - رياض الخبراء
"لغز الاسبوع"
كتبه للصفحة الشاعر عيد فريح البادي من جبه ويقول:
يا ويش بنت بأربع أبراج مع حوض
تصبر على الكاوي وكل يحبه
مكانها عند الرجاجيل محفوظ
تدور بالمجلس ليا صار شبّه
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com