يوم الوطن جعله مع الوقت عادات

حنا لزمنا رايهٍ فوق رايات
تعانق سحابٍ فوق هام السواري
لا رفرفت هزت كيان العصابات
ومن تحتها رجالٍ تهز الصحاري
قولو لمن يغدر تراها سلامات
هذا الوطن نفداه لاما نماري
من يسلك الدرب العوج له علامات
ماهو بشر هذا من الدين عاري
يوم الوطن جعله مع الوقت عادات
ينعاد مابين المدن والبراري
حنا لها يبوفهد كل حزات
حنا لها في كل صبح وغداري
وحنا حمينا الدار وقت الملمات
من حدها لحدودها والسواري
حنا صناديد اللقا والمهمات
وإن كبرت القاله فحنا الضواري
وحنا بعين الضد فينا علامات
نارد إحياض الموت بليا حذاري
وحنا عطايا الرب وفينا كرامات
حرار وشوق الحر شوف الحباري
نرقبك في صم الجبال الطويلات
نرسل عليك من الحمم ما نداري
رح إنشد اللي ورّدك للمتاهات
حاذور منّا يا صغيّر حذاري