رفيقٍ يحط يده بيدك

أنا رفيقك لا غدا الوقت ضدك
والا الرخاء دور رفيقٍ بدالي
اجيك وانشد عنك واصل لحدك
ما يلحق ضيمٍ وذا الرأس عالي
اطلب رضاك وكل ما كان ودك
أشيل حملك لو حمولك ثقالي
اطلب ترى ما عاش من هو يردك
اطلب يا غالي وأنت مازلت غالي
أبخدمك وكثر الخجل لا يردك
لو تطلب الروح جاتكم ما أبالي
عسى كلامي ذا كلامٍ يسدك
هذي الحقيقة عكس وهم وخيالي
أما رفيقٍ يحط يده بيدك
وألا بلاش من الحكي والهبالي
يا قف معك لا صار ذا الوقت ضدك
وألا الرخاء دور رفيقٍ بدالي
طلال بن غارم آل فرحان
Your browser does not support the video tag.