صور شاعرية

أخرف من العذق الحمر لك مناصيف
من حيشنا مغروسه داخل السور
منتوجها لي حط مع دلة الكيف
يطفي لهيب الي من الوقت ممرور
ياما قدع من طلعها عندك الضيف
لاصرت مستعجل تخرفه على الفور
سعود عبدالعزيز الهزاع - نعام
هذا الرّجل به همةٍ عليا ولوسنه كبير
رغم الخطر يرقى النخل يجني مِنِه حلو الثمر
عزّ الله إنه باحترام الناس يا ساده جدير
لَوْ ضَعْفِ جسمه قوةِ عْزومه توَصِّلْه القمر
الله يرحم أهلنا عانوا بدنياهم كثير
من أجل لقمةْ عيشهم كلٍّ على القسوه صبَر
ناصر جمعان آل عوض - وادي الدواسر
ماعاد به مثلك روحوا ربعك اليوم
هذا زمانه راح راحوا النشاما
هذا زمان النت والبعض مليوم
سر في طريق الخير وشد الحزاما
اللي مضى ياصاحبي كنه حلوم
اصبر وتلقى الخير يابن الكراما
محمد بن عبد العزيز الخنيفر -اشيقر
اقبل علينا الصوم خير وسعادة
وعلى الفطور التملر له افضليىه
العم يجني في يمينه ومعتاد
من نخلة في المزرعة سكريه
والنخله ام الخير مصدر الزاد
رفيقة الفلاحة عشرة حياته
سعود عايش الحربي - جدة
ياشايب الرحمن الله يعينك
على الصرام اليوم ياما من الخير
ماينفعك ياكود فعلة يمينك
راحوا ربوعك والرجال المخابير
ياماعلى الطيبات تعمل يدينك
هذي سلوم اهل الوفاء دون تقصير
ريان محمد الخنيفر- اشيقر
حان الصرام وعودنا ماهر فيه
فوق الجريد يضبط الوضع محلاه
هذا نظام للنخل مانخليه
طول السنين الماضية ما تركناه
التمر مطعوم مفضل ونغليه
نوفره دايم ولو زاد مشراه
علي الرشيد- رياض الخبراء
ام الجرايد تجيب الخير
وخرافها الشايب الخيّر
الجار ياكل وشبع الطيّر
ويذوق من جالها مسير
والسيل ماجالها عوير
غدير وشعيّب وغديّر
شجعان المقاطي - الرياض
التمر بين عسى طلعه نضيد
توه مبين في نص استواه
والعذوق مركبه فوق الجريد
بيده الفلاح يصنع مابغاه
يحتري المحصول في وقته يزيد
حاسب حسابه يبيعه ماشراه
حمد عبدالله الوايلي -حوطة سدير
اخرف لنا ياذيب زين القدوعي
نبغى الهجور ونبغي الخرج مليان
قدامنا السكه سنود وطلوعي
وقدامنا شده تبي زاد مليان
الزاد الاول ياجميل الطبوعي
مذكور بايات من الذكر قرآن
عبدالكريم النغيمشي- لوذه
صورة العدد،