تنسين نفسك في صلاتك وتدعين

يا جنتي.. ياللي على الأرض تمشين
يا غيمتي وقت الضما يا سحابي
كم لجلنا شلتي من الهم والبين
حتى شعر راسك من الضيم شابي
تعطين ما ترجين وإلا تمنين
تعطين وبليا ثمن أو حسابي
تنسين نفسك في صلاتك وتدعين
«يارب تحفظهم بنات وشبابي
يارب ترزقهم وتكفيهم الدين
يا رب جنبهم صنوف العذابي»
يالله عساها في رخا تنعم سنين
ويالله عسى عمري فداها وشبابي
هي راحة الدنيا وهي بهجة العين
وفي بُعدها حزني وَزود اكتئابي
تبقين يا نبض العمر دوم تبقين
عِد المزون وَعِد قطر السحابي
جعلي فداك وفدوةٍ لك من الحين
لين العمر يفنى وتُنزع ثيابي
كتبت في أمي من الشعر بيتين
والا الشعر تقصر خطاه ويهابي
يا رب تحفظها ويارب «آمين»
تجعل جزاها جنه ابلا حسابي