البدايه ذكر علام الغيوب جل شانه ماعبدنا احد سواه بعد ذا غنيت بالقاف الطروب لجل يطرب من سمعه ومن قراه اكتست زلفينا من الحسن ثوب وفاح فيها الطيب من كل اتجاه وهللت بالضيف بالصدر الرحوب ورحبت باللي رفيع مستواه وهبت بنوافح المسك الهبوب وابتسم برق السحاب وهل ماه يوم جاها اليوم غالي ومحبوب فيصل الوافي أطال الله بقاه مرحبا وفيصل قريب من القلوب ويشهد الله ماتصنعنا غلاه مرحبا من كل صوب وكل صوب مرحبا واهلا وحيا الله نباه مرحبا به بالشروق وبالغروب ويسعد الله صحبه ويسعد مساه شبل بندر بالمهمات امحسوب شمس عصره في وفاة وفي دهاه برايه الثاقب تدابير الخطوب جل شان اللي من الحكمه عطاه في سبيل الخير ملحاح دؤوب وذكره الطيب ملى الدنيا صداه واسألوا عن فيصل العز الجنوب وكم صرح في جبال ابها بناه والقصيم اللي بفيصلها تذوب اسألوها عن جهوده عن وفاه والرياض تقول بالصوت العذوب لو مدحت الفيصلي ما الحق جزاه يعمل باخلاص للعليا كسوب مبتدا الاخلاص فيه ومنتهاه والوطن عن حبه ابدا مانتوب ولو تروح ارواحنا دونه فداه هو ذرانا لا لفح بالجو شوب ونتنفس بالمحبه من هواه وقايده سلمان بالحزم امهيوب الزعيم اللي يذرينا ذراه المليك اللي كسب حب الشعوب بالمكارم عز شعبه واحتواه نمشي بامره بسلم او حروب نحتمي به والوطن نحمي ثراه * الزلفي
