كتبه الأسبوع الماضي الشاعر علي الزولاني الفيفي من بيشه حول أهمية الوصل وعدم المقاطعة للأهل والجيران والأصدقاء ويقول : صل من يجب وصله قرابه وجيران ترى القطيعه من كبار المعاصي وقد كان صدى البيت من الشعراء: هذا كلام الله في لفظ قرآن كلٍ قرا هالأمر داني وقاصي خلك بوصل ارحامك بكل ميدان كلٍ على قدره لزوم اختصاصي واللي تجاهل أمر الأقراب غلطان أقرب كلام نقول هذاك عاصي أقرب سبب للرزق مع زود الاحسان وصل الرحم ما اظن عنّه مناصي علي رشيد الرشيد - رياض الخبراء وصل الرحم واجب وخير وإحسان مافيه شكٍ يعرفه كل قاصي واللي وصل رحمه يجازيه بجنان ويمد في عمره بزود اختصاصي يا سعد من يدرك ولو كان ماكان ويرد نفسه عن جميع المعاصي اكسب زمانك لا تماهنت ثم حان يومٍ عبوسٍ مايفيد التواصي حمد عبدالله الوايلي - حوطة سدير هذى نصيحه من هل الخير يا فلان ترى الوصل ياصل قريبٍ وقاصي لا تقول هو غلطان والا أنت غلطان يصير جوّك به ضباب ورصاصي لا يصر هو زعلان ولا انت زعلان مافيه داعي للحكي والتقاصي ناسٍ تقول الهرج من شان من شان وليا نشد عن ما ذكر بس حاصي سعد صنهات السهلي - الدرعية بيت الأسبوع يكتبه الشاعر عبدالكريم بن خزيّم من البكيرية حول التساهل في شراء واستخدام الأدوات الكهربائية الرديئة ويقول: إحذر تجيب لمنزلك شي مضروب بالكهرباء حذارك لا تستهيني نستقبل صدى هذا البيت بأربعة أبيات ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ونرحب بطرح بيت الأسبوع من الشعراء حول أي موضوع.
