سلطان أبو خالد زبون المعاسير

نوة نشأ وأمطر على نجد خيره
خيره يعم وفي قدومه تباشير
يروي عطش سكان شبه الجزيره
ينبت باثر ما طاه ورد ونواوير
ويزهر ورق صم الصحاري مسيره
سلطان أبو خالد زبون المعاسير
من ضحكته تنحل كل العسيره
صعباتها دايم تجي له تياسير
وجهٍ سفير ومن وجيهٍ سفيره
أهلاً هلا يالنبل يالجود يالخير
بقدومكم ديره تبشِّر لديره
يا امير يا فرحة هل الدار يا امير
بالطاير الميمون حزة مطيره
بحر الكرم يمنى الندى جمة البير
فعل المكارم ما تدوّر لغيره
للطيب في وجهك وصوف وتعابير
والحلم طبعك يا نقي السريره
يا بو العطا يامبدل الشر بالخير
ياللي يمينك بالمكارم شهيره
يا درعنا عن لافحات المعاصير
يا سيفنا عند اختلاف البصيره
يالسبع يالضرغام يالحيد يالزير
يا فارس الهيجا نهار المغيره
ليا التطم موجك تهد الطوابير
وليا زعلت أزعلت ناس كثيره
وليا ابتسمت أعطيت كل التفاسير
عن طيب قلب وطيب يمنى وسيره
يا كثر من حبوك لهفه وتقدير
حب وغلا وإخلاص شعب لاميره
جعل السلامة يا بعيد المشاوير
دايم معك في كل دربٍ تسيره
فرحان المطرفي