يا دمعي احرق قلبي اللي فيني وان جف دمعي زدت لك من عيني احرق ضلوع الصدر وانثر همي عطشان همي بالدموع اسقيني لجل الفهد ابكي نهار وليلي تبّت يدا شعري عجز يكفيني وتبّت يدا التعبير عيّا يوصف شيء وسط قلبي وفي يديني أزريت أقول اني حزين يائس ومليت اقول ان العنا طاويني مات الفهد ما عاد باقي احيا مات الفهد والناس ماتوا فيني يا صعب تحديد المصير المؤلم وانا بقلبي باقيه ثنتيني يا اني احزن طول عمري الباقي والا اهيم وخطوتي تهديني ياليتني ميّت قبل لا ابكي له لو كان ما القى دمعةٍ تبكيني ياليتني ميّت قبل لا اقصد به لو كان ما به شاعرٍ يرثيني لكن فرض ربي عليّ اتألّم احرق خفوقي من دموع العيني