أحسن الله عزا الإسلام

في قايده
وأحسن الله عزا الشعب السعودي جميع
خادم البيت زيزوم الوطن رايده
ما يساوم بشبر من بلده ويبيع
ليثنا الشهم فهد وقفته كايده
غيثنا اللي علينا مثل وبل الربيع
له يمين كريمه بالعطاء جايده
لو طلع حاتم الطائي بوقته يضيع
ينفق لوجه ربه ما رجى فايده
ما قصد غير خلاق عليم سميع
كم شمل فيض جوده دولة نايده
موقفه دايم انساني بما يستطيع
يرحم الله زعيم همته زايده
يا عسى في جنان الخلد يلقى شفيع
بامر من نزَّل الإخلاص والمايده
يسكن بجنة الفردوس فضل بديع
دولته بالعداله والشرف سايده
أشهد أنه وديع الحق نعم الوديع
له سياسة بحكمة عقل ومحايده
وبه حماسة وقلبه بالمواقف شجيع
حنكته للنباهة والذكاء عايده
والسماحه طبيعه حيث صدره وسيع
وكل عز وخير للبلد شايده
عمر الدار والتطوير فيها سريع
حر أشقر شهر من عانده صايده
سيف ابتر مهند صلب حده وريع
والله أكبر على دنيا العنا البايده
والزمن بامرها لو طال طبعه مطيع
هكذا حالها ما هي عنه حايده
كم خذت من حكيم له مقام رفيع
النقيب/ باني عبدالله البقمي