بين يوم وليلة

يا سامع صوتي ترانا بالهدار
مثل الذي في ظل دوحه ظليله
تكفى فلا تجعل لها منك مقدار
وتغرك قصور الهنا والحليله
تكفى تخفف من ثقيلات الاوزار
ترى الأمانه لو تغرك ثقيله
لابد من يوم ندور به اعذار
يوم يخلي كل خلٍ خليله
الوقت يمضي كنه الوقت ما صار
والعمر يقضي بين يوم وليله
جيل ورا جيلٍ وكم فنيت اعمار
هني من زود للاخرى حصيله
لا ينفع عيالك والاحباب والجار
ولا صديقك والاخو والقبيله
تالي حياتك خله علوم الاخيار
كوده يخف الحمل تقدر تشيله
خله صيامٍ مع صلاةٍ مع اذكار
تنير قبرك بالليالِ الطويله
نصيحة اللي فز من طاري النار
يدعي لكم بالغيب في كل ميله
ليلى سعد الحربي