واجب أن ابن الوطن ينتبه فيما يدور ينتبه ويشوف في عين عقله ما يصير ويتمعن في سوايا عليلين الصدور من مرضهم تسمع الصدر غاد له صفير وش هدفهم؟! غير تخريب وهبال وغرور وش هدفهم؟! غير ترويع وأموال تطير وش هدفهم؟! شلة في مطالبهم قصور تايهين بين (شارون) وابليسه (بلير) شلة متفككة من حدور في حدور والممول واقع في عماه بوسط.. بير الحسد معمي عيونه وحقد به يفور واستغل الأغبياء في مطاليبه.. تغير والا وشهو ذنب مسلم ومن جانا يزور يقتلونه..! ما سلم منهم الطفل الصغير أشهد أنه فاقد العقل عقله عقل ثور!! منتهى ما به حياة ولا عنده.. ضمير دولة قامت على الشرع والقرآن نور مدري كيف أن الخوارج بغوا منها تسير من يبين وش هدفهم عزاه انه يخور والإجابه غامضة والسؤال بلا.. مصير انكشف زيف الخوارج عساهم في ثبور حاولوا تقديم خدمة (لصهيون) الحقير حاولوا لكن هيهات ردتهم صقور في مخاليب الأمن.. والله العالي نصير دام نايف ساهر ف(الأمن) ما به فتور صاحي للي نوى يلتهمنا.. بالخطير صار سيفه في رقاب الخوارج ما يبور ينذبح من يوم يسمع صليله بالجفير الله اكبر ما بان للفتنة.. ظهور حشها نايف بيمناه في سيف شطير
