شلة من أصحاب السوابق

الشعب تحت امر القيادة ولاهاب
دون الوطن يارد حياض المنايا
اليوم يوم الشعب في حرب الارهاب
يوم الشجاعه للوطن والحمايا
شعب السعوديه شباب وشياب
يلتف حول اقيادته في الرزايا
ويجدد البيعه على كل مرقاب
للحاكم العادل حميد السجايا
فهد عماد الدار واحنا لها اطناب
نقمع فلول الشر وكر الحيايا
وعبدالله وسلطان للخصم حراب
وسلمان ستر المترفات الصبايا
ونايف حكيم الراي حلال الانشاب
مضفي ظلال الامن مدن وقرايا
ماضاع حق ومن ورا الحق طلاب
دم ابريانا يالخوارج قضايا
شهيدنا لامات ما لحقه احساب
بإذن الله المعبود جزل العطايا
شهيدنا يدخل مع سبعة ابواب
وانتم بنيران تواقد لظايا
انتم هل الفتنه وللحاقد اذناب
بانت حقيقتكم وخبث النوايا
شلة من اصحاب السوابق والارياب
في دبرة الباغي غدوا له غذايا
الدين يالفجار صرتوا له اغراب
اليوم تو الناس صرتوا عرايا
الله كشفكم ياذهيبين الانساب
طغمة فساد وسميت بالخلايا
والله دين الشرع قطاع الارقاب
هذي من اكبار الفتن والبلايا
ما انتم بقد تنعموا باطهر اتراب
ارض عطاها عم كل البرايا
جزاك يالخوان تعليق واصلاب
قدام خلق الله على ذا الجنايا