قل له,, وقل له

قل له نقل هم عجز لا يشيله
قل له حملنا حزنها والمصايب
ولوعات وهموم تجي وتغذي له
ودست الجروح وحزنها والنوايب
وصبرت اعاند ونتي كل ليله
لو ان ما جاني بفقد الحبايب
هانت وبصبر والعذاب ارتكي له
لاكن في وسط الضلوع النحايب
حزنٍ ولو طال الزمن ما يزيله
حزن السنين اتسوقه اعتى الهبايب
خله يجي حزنٍ جديد نشيله
قل له تراني دوم مانيب هايب
ولا اميل لو ان الزمن فيه ميله
قل له ترى الرجال وقت النشايب
ولا الرخى كلٍ ذراعه طويله
ماهوب انا اللي يتبع اتلي الركايب
بأول مراكضهن وهذا حصيله
خله الى من رحت يصلى اللهايب
يبكي على جرة مواطي رحيله
هادي القفيدي