أزهار الطائف

دار الندا دار النسايم والأزهار
ما مثلها من دار الله عليها
عرس المصيف اللي تمتع بالأثمار
وغيوم وجبالٍ شواهيق فيها
كلٍ تقدم من مسافات الأقطار
ينشد نسايمها ويشتاق ليها
من خلقت الدنيا عروسٍ بالأعمار
خطابها ياكثر منهو يبيها
من شاف حسن الزين بالزين يحتار
وليا بعد شوقه يحتم يجيها
الجو بارد والسحابة بالأمطار
خضرا نواظرها وحمرا يديها
مشهورة بالورد غنوه وتذكار
والطيب والتكريم ثوبٍ كسيها
حدائقٍ تجذب لها جمع الأنظار
تاريخها وأنوارها يغتشيها
هذي هي الطائف تناغيم وأسحار
أرواحنا وقلوبنا تهتويها
كلٍ تغزل في هواها بالأشعار
منها وفيها الشعر الله عليها