لا تحسبوها شطارة!!

مساهمة في تفعيل الحملة الأمنية والمرورية كتبتها الزميلة الشاعرة والصحفية تذكار الخثلان
رجل الأمن واجب علينا نطيعه
اعقلها وتوكل حقيقة شعاره
في ديرةٍ تحكم بحكم الشريعة
رجل الأمن حاضر بليل ونهاره
بالمدن أيضاً والخطوط السريعه
رجل الأمن فعلاً كبير اعتباره
يسعى لتخفيف الأمور الشنيعا
حوادث منها الخطر والخساره
صحيح بالسرعة متاهة وضعيه
ما يعرفون ان السواقة مهاره!!
وأنا من اللي ذاق طعم الفجيعه
فقدت من حبه بقلبي مساره
أبوي بعده عشت دنياً مريعه
في بيت كني عايشه في مغاره
سنتين وصدري ضايق بالوسيعه
هذا مكانه.. ذاك بشته وداره
من بعد ما هو دايم في الطليعه
مات الأمل في موتته وانتظاره
في حادثٍ خلا حياتي وجيعه
بأسباب من ضيع بلحظه مداره
من بعدها عاش الندم من صنيعه
شتت شمل وازعل صديقه وجاره
وحكم القدر واجب علينا نطيعه
مهما تجرعنا الشقا والمراره
لا شك خوف العمر يقضي ربيعه
لحظة تهور يحسبوها شطاره