أمي

لا قلت امي.. يبتسم ثغر الآمال
ويتحول الرمل لوفاها بنفسج
ويجري الغدير اللي له دهور ماسال
ويصفي الزمان اللي من أزمان عجعج
ويصبح هجير الشمس لي..في وظلال
لو هو بعز القيض كان يتوهج
من صبرها..فيني مسافاتٍ طوال
ومن عمرها فيني عمر حب ينسج
في قلبها لينٍ..كسر كل الأغلال
واذا قست الَيَن من الطفل لا احتج
امي لها قدرٍ لو تشيله جبال
يثقل بكاهلها وترهق وترتج
لاضاق صدري تنقل صدر رجال
تشيلني به لين هالهم يفرج
وبنظرةٍ منها..بي العمر يختال
وتمر الوفا و الطهر والحب ينضج
ويطير عصفوري من الصدر يجتال
واصير لاحبابي من الهم مخرج
وبوجه همي يبتسم ثغر الآمال
وتصير كل الارض زهرة بنفسج