محاورة الإسبوع

هذه المحاورة بين هذه المحاورة بين شاعرينا الكبيرين/ صياف عواد السحيمي وشليويح بن شلاح المطيري:
صياف:
يا شليويح خذ مني كلام مصفى
وان بغيت الحقيقة فيه ما يسر الله
كشفت الحره اللي كنت فيها تخفى
واصبحت سهلت المطلاع والحمد لله
شليويح:
رمش عيني على الغياب ماساع رفا
يا عسى الله يحيكم على دبرة الله
امش مع درب منقي يالبعير المعفى
يا عسى الله يديم الامن والدايم الله
صياف:
ادخل البيت عن برد الشمال وتدفا
والبس حرام وادخل فالحرم واطلب الله
نزهم الطريقي اللي ذيك الايام قفا
مار قدام يسمع صوتنا جابه الله
شليويح:
لابس بشت ضافي وانت شتك مضفى
ما رحمتك لكنك جيت في رحمة الله
خليت وامطرت والوبل ماساع كفا
وانت يا جارنا عساك في جيرة الله
صياف:
ساع مابان نورك يالسراج المطفا
ثم نورت للاجواد مع قدرة الله
ما تحركت من بحر عليك يتكفا
لين شبت عليك النار والعالم الله