كل العمر

نفسي عزيزة ما تطيق المذله
من صغر سني عيشتي رفعة الراس
ما اعتدت اعيش برحمة احدٍ وظله
غير الله اللي خالقٍ ساير الناس
اعيش طول العمر واقضيه كله
على الشرف والطيب وازداد نوماس
احب ما يحكي على وقت حله
ولا احب كثر القيل في كل مجلاس
وحب الرجال اللي من الناس قله
اللي مواقفها متينة على ساس
اللي معك مثل السيوف المسله
خوة ذهب ماهيب تقليد ونحاس
وبعض البشر عرفه سبب كل عله
يرميك في درب المصايب والاتعاس
أهل المصالح والنفوس المغله
لاجيت هلوا بك ولا غبت انجاس
هذي حقيقة واقعي والادله
تثبت لنا من قالوا الناس اجناس