الطيب والمرجلة

ما هوب من تو طبعاً من قديم العصور
دربه وعر أو اقول احيان شبه المحال
ما هوب مفروش للي يسلكه بالزهور
لكن اذا المرء وكلها على ذي الجلال
وجاهد وثابر حصيله ما يكون الثبور
ينال حلمه ولا يخسر ويرتاح بال
ويسج في تختخ آماله هجاد وبكور
وانا بشر والكمال لمن حظي بالكمال
اللي سنا نور وجهه بدّل السود نور
من شبتي ما ذخرت لمكسب المجد مال
اسوق ما املك ولو وصلت لحد الكسور
وانا على قدر حالي والحوال الحوال
لكن أفرّق حصيل الطيب لب وقشور
الرجل ما يقبل الذله وكسب الخمال
وان كان مر بردى مره مجرد مرور
الطيب ما هوب وقف لمستوى عال عال
ولا ينحرم منه من عين ببند الأجور
الحر يرقى سما ويحط فوق الجبال
والبوم ينزل ويسكن بالحفر والجحور
قد قيل كبر الجواب بكبر حجم السوال
وأنا أقول الفريده ملك واف الشبور
لا جيت ما اجهل مكاني لا انفتح لي مجال
أميز النفس وأرقى عن طمان الأمور
أما حضورٍ يشرفني بوسط الرجال
والا غيابٍ يعوضني بكل الحضور
مكاسب المجد ماهي بس روح وتعال
ولاهيب في روعة المنطق وحب الظهور
ان كان مالك رصيدٍ بالفعول الجزال
الشعر يبقى بعين العقل كتلة شعور
عبدالعزيز الشهيل - حفر الباطن