فل وطوى

في حروف اسمه دلايل لما جسمه حوى
مترفٍ.. به راهي الزين والعقل الرزين
انفتح له باب قلبي وبه فل وطوى
التقينا صدفة بيحت كل الكنين
وافترقنا ما تيقنت قلبه وش نوى
راح متعافى وانا شال قلبي طعنتين
من مظاليل خلط سحرها غي وغوى
كل ما همت العزا قال جرح القلب.. وين
مستحيل بقلب انا والعزا نسكن سوى
ظميت الروح لحنانه.. وذوبها الحنين
واعنا قلب على كتم شوقه ما قوى
المفارق يتلف الحال عونك يا معين
والنوى ليلٍ على غير ميعاده ضوى
والله اني من عقب غيبته كني سجين
وان مالي غير قربه مرام.. ولا هوى
وان فرق شعوري اليوم عن ماض السنين
مثل فارق وقع لبّيه عن مالك لوى
الصعب